Luka 18:19 - ÎVUKU RÎA ÛVORO MWARO

¹⁹ Nake Jesû nîwamûririe atîrî, “Ûrambîta mwaro nîkî? Gûtirî mûndû mwaro tiga Ngai wenga.

Luka 18:19 ပူးပေါင်းရင်းမြစ်များ

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 11:13

Ethîrwa mue wana mûrî acûku nîmûmenyaga kûva ciana cienyu indo mbaro, nî maita megana îthe wenyu ûrîa ûrî îgûrû angîvecana Roho Mûtheru kûrî andû arîa mamwîtagia!”

Luka 18:18

Nake mûtongoria ûmwe warî Mûyahudi nîwaûririe Jesû atîrî, “Mwarimû Mwaro, nîngîîka atîa nîguo ngaagaîrwa mwoyo wa tene na tene?”

Luka 18:20

We nîwîcî maathani maugîte atî: ‘Ndûkanatharie; ndûkanaûragane; Ndûkanaîe; ndûkanaigîrîre mûndû ûrîa wîngî kîng'enyo; na ûtîîe aguo na nyûkwe.’ ”

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.