Luka 18:13 - ÎVUKU RÎA ÛVORO MWARO

¹³ “Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Luka 18:13 ပူးပေါင်းရင်းမြစ်များ

2Sam 12:13

Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

2Maû 33:23

Ndenyivia mbere ya Ngai-Mûnene ta ûrîa îthe Manase eekîte, nwatî nîwevirie mûno makîria ya îthe.

Ezira 9:6

Na ngîvoya ngiugaga atîrî, “Ngai wakwa, nîregua ngîconoka mûno ngîûkîrîria ûthiû wakwa mbere yaku. Mevia metû maûmbanîrîrîte na îgûrû makavîtûka ciongo cietû, nîmathiîte magakinya îgûrû.

Ayubu 42:6

Kwoguo, nîngûvera ngîvakaga rûkûngû na mûu, nîreyonaga nîrî kîndû Kîam mana.”

Thaburi 106:6

Tue nîtwîvîtie wata ûrîa methe metû ma tene meevirie, nîtwîvîtie na nîtwîkîte maûndû macûku.

Thaburi 119:41

We Ngai-Mûnene, tiga wendo waku ûtathiraga ûke kûrî nie, na ûmvonokie wata ûrîa weranîre.

Thaburi 130:7

We Isiraeli, îîvoke Ngai-Mûnene, nîûndû Ngai-Mûnene ethagîrwa arî na wendo ûtathiraga, na ethagîrwa arî na vinya mûnene wa kûvonokania.

Thaburi 25:11

We Ngai-Mûnene, nîûndû wa rîîtwa rîaku, njovera mevia makwa nîûndû nî meengî mûno.

Thaburi 25:7

Ndûkaririkane mevia na mavîtia marîa nekire nîrî mûnini, ndirikana nîûndû wa wendo waku ûtathiraga, we Ngai-Mûnene ûndirikane nîûndû wa ntha ciaku.

Thaburi 40:12

Nthiûrûrûkîrîtue nî mathîna meengî mûno matangîtarîka! Mevia makwa mangunîkîte nginya ngaremwa nî kwona; mengîvîte gûkîra njuîrî cia kîongo gîakwa, nanie nîrî mûthiru vinya.

Thaburi 41:4

Nanie nînaugire atîrî, “Nîngwîvîrîtie we Ngai-Mûnene; mbîguîra ntha na ûmvonie.”

Ntha 33:10

Rîrîa andû onthe moona gîtugî gîa îtu Kîamrûngama mûromorî wa îgema, nîmaarûngamaga na makagooca Ngai-Mûnene wa mûndû arî mûromorî wa îgema rîake.

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Danieli 9:5

Tue nî twîvîtie, nîtwîkîte maûndû macûku, na tûgeka naaî. Nîtûreganîte nawe na tûkaregana na maathani maku na irîra ciaku.

Mathaayo 10:3

Filipu na Batholomayo; Toma na Mathaayo ûrîa warî mwîtia mbia cia gooti; Jakovu mûrû wa Alufayo, na Thadayo;

Mathaayo 6:5

“Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.

Mathaayo 9:13

Thiîni mûkamenye gîtûmi Kîam mandîko matheru marîa maugîte atîrî, ‘Nie mendaga ciîko cia ntha na tî magongoona ma nyamû.’ Nie ndiûkîte gwîta andû arîa athingu, nwatî mbûkîte gwîta evia.”

Maariko 11:25

Rîrîa rîonthe mûrûngamîte mûkîvoya, ovagîrani andû onthe arîa mamûvîtîrîtie nîguo îthe wenyu ûrîa wî îgûrû wa nake amwovagîre mevia menyu.” [

Luka 17:12

Rîrîa aatonyaga gîcagirî kîmwe, nîwatûngirwe nî andû îkûmi arîa maarwarîte mûrimû mûcûku wa ngothi. Nao andû acio nîmaarûngamire vandû varaca na

Luka 22:41

Jesû nîwacokire akîmatiga, akîthiî vandû wata varîa mûndû angîvota gwikia îthiga, na aaturia maru nîwavoire atîrî,

Luka 23:48

Rîrîa andû onthe arîa maacemanîtie kwîroreria, moonire ûrîa gwekîka nîmeenûkire makîîriraga.

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Aroma 5:8

Nwatî Ngai nîwonanîtie ûrîa atwendete nîûndû Kristû nîwatûkuîrîre vîndî îrîa twarî evia.

2Akor 7:11

Nîûndû ûcio taroriani ûrîa Ngai eekire nîûndû wa kîeva kîenyu. Kîeva kîu nîgîatûmire mûgîe na kîîo, gîgîtûma mwende kwonania atî mûtiarî na mavîtia, gîgîtûma mûrakare na mwîtigîre. Nîgîatûmire mwende kûmona, kwîrutîra na kwenda kwona gûgîkwa ûrîa kwagîrîrîte. Nîmwonanîtie atî mûtirî na mavîtia maûndûrî monthe.

1Tim 1:15

Ûvoro ûyû nî wa ma na nîwagîrîrwe nî gwîtîkîrwa nî andû onthe, atî Jesû Kristû aaûkire gûkû nthî kûvonokia evia. Nie nîrî mwîvia mûcûku mûno gatagatîrî kao.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.

Ahib 8:12

Nîngaamovera mevia mao, na ndigaacoka kûririkana mavîtia mao.”