Luka 17:27 - ÎVUKU RÎA ÛVORO MWARO

²⁷ Andû nîmaarîcaga na makanyua, makavikania na makavikua, nginya mûthenya ûrîa Nuhu aatonyire thavinarî na mbura ya kîvovoto îkiura na îkîmaûraga onthe.

Luka 17:27 ပူးပေါင်းရင်းမြစ်များ

Kîam 7:23

Ngai-Mûnene nîwathiririe ciûmbe cionthe irîa ciarî mwoyo gûkû nthî. Nîwathiririe andû, nyamû na iconi. Nuhu, andû arîa maarî nake thabinarî vamwe na nyamû nîo maavonokire.

Kîam 7:7

Ke na mûka, anake ake na aka ao, nîmaatonyire thabinarî nîguo maûrîre mwîcûro wa manjî.

Isaia 21:4

Ngoro yakwa nî îratumatuma, na nîrîmwîcûre nî guoya. Nîneriragîria kîvwaî gîkinye, nwatî rîrîa gîakinyire nîgîatûmire minaine.

Isaia 47:11

Nwatî nîûkaanyitwa nî maûndû macûku, na ndûkaavota kûmenya kûrîa maumîte. Nîûkaanyitwa nî mathîna, na ndûkaavota kûmathiria, maûndû ma gûkûthiria nîmagaaûka kûrî we wa rîmwe, marîa ûtanamenya ûvoro wamo.

Mathaayo 22:30

Nîûndû rîrîa akuû makariûka, mageekara ta araika arîa marî îgûrû kwa Ngai na matikaavikania kana mavikue.

Luka 17:26

Wata ûrîa gwekariî vîndî ya Nuhu, nwaguo gûgeekara mûthenya wa Mûrû wa Mûndû.

Luka 17:28

Mûthenya ûcio ûgeekara wata ûrîa gwekariî vîndî ya Loti. Vîndî îo andû maatûûraga marîcaga na manyunyaga, magûraga na mendagia indo, na mavandaga na matumaga nyomba.

1Sam 30:16

Nake nîwavirire Daudi kûrîa gîkundi kîu Kîamrî. Nao athigari acio a Amaleki maanyagarûkîte kûu kuonthe, makîrîcaga, makînyunyaga na makinaga, nîûndû indo irîa maatavîte kuuma vûrûrirî wa Afilisiti na wa Juda ciarî nyîngî mûno.