Luka 17:26 - ÎVUKU RÎA ÛVORO MWARO

²⁶ Wata ûrîa gwekariî vîndî ya Nuhu, nwaguo gûgeekara mûthenya wa Mûrû wa Mûndû.

Luka 17:26 ပူးပေါင်းရင်းမြစ်များ

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Kîam 6:7

akiuga atîrî, “Nie nîngûthiria andû aya naûmbire viû, vamwe na nyamû wana iconi, nîûndû nînîrirîte nî kîrîa gîatûmire nîmaûmba.”

Kîam 6:8

Nwatî Ngai-Mûnene aarî mûkenie nî Nuhu.

Isaia 22:13

Vandû va ûguo, mwakenire na mûgîkûngûîra, nîmwathînjire ndegwa na ng'ondu, mûkîrîa nyama na mûkînyua ndivei. Nîmwaugire atîrî, “Tiga tûrîe na tûnyue, nîûndû rûyû nîtûgaakua.”

Luka 17:22

Jesû nîwacokire akîra arutwa ake atîrî, “Kûrî vingo îgaakinya mwîrirîrie kwona mûthenya ûmwe wa mîthenya ya Mûrû wa Mûndû nwatî mûtikawona.

Luka 17:24

Nîûndû wata ûrîa rûveni rûvenagia na rûkamûrîka matu kuuma mwena ûmwe nginya mwena ûrîa wîngî, ûguo nwaguo Mûrû wa Mûndû ageekara mûthenya ûcio wake.

Luka 17:27

Andû nîmaarîcaga na makanyua, makavikania na makavikua, nginya mûthenya ûrîa Nuhu aatonyire thavinarî na mbura ya kîvovoto îkiura na îkîmaûraga onthe.

Luka 17:7

“Ethîrwa kûrî mûndû gatagatîrî kenyu ûrî na ndungata îrarîma mûgûndarî kana îrarîthia mbûri, yauma mûgûndarî nwa amîre atîrî, ‘Ûka wîkare nthî ûrîe?’

Luka 18:8

Nîramwîra atî Ngai nîamatethagia na îvenya. Nwatî vîndî îrîa Mûrû wa Mûndû agaaûka gûkû nthî, nîakeethîrîria andû mamwîtîkîtie?”

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.

2Pet 2:5

Ngai ndeeguîra nthî ya tene ntha, nwatî nîwaurithirie mbura ya kîvovoto na manjî magîcûra gûkû nthî kûrîa kwarî na andû mataarî na ûngai. Nwatî Ngai nîwagitîre Nuhu ûrîa wavunjagîria andû matûûre marî athingu na akîvonokia andû engî mûgwanja.

2Pet 3:6

Na nthî îrîa yarî kuo vîndî ya tene yacûkangirue na mwîcûro wa manjî.