Luka 17:21 - ÎVUKU RÎA ÛVORO MWARO

²¹ Wana gûtirî mûndû ûkaauga atîrî, ‘Taroriani, ûrî ava!’ kana ‘Ûûrîa vaarîa!’ Nîûndû Ûthamaki wa Ngai ûrî gatagatîrî kenyu.”

Luka 17:21 ပူးပေါင်းရင်းမြစ်များ

Mathaayo 12:28

Nwatî ethîrwa ndutûrûraga ndaimono mvetwe vinya nî Roho wa Ngai, ûguo nîkwonania atî Ûthamaki wa Ngai nîmûkinyu kûrî mue.

Maariko 13:21

“Vîndî îo mûngîkeerwa nî mûndû atîrî, ‘Taroria, ûyû nîke Mesaya’ kana amwîre, ‘Roriani! Ûrîa nîke Mesaya;’ mûtikamwîtîkie.

Luka 17:23

Kûrî na andû amwe makaamwîra atîrî, ‘Taroriani vaarîa!’ kana ‘Taroriani ava!’ Nwatî mûtikaamarûmîrîre.

Luka 21:8

Jesû nîwamerire atîrî, “Îîmenyagîrîreni mûtikavîtithue. Nîûndû andû eengî nîmagaaûka makîvûthagîra rîîtwa rîakwa na makiugaga atîrî, ‘Nie nînie Kristû!’ na ‘Îvinda nîrîkinyu!’ Nwatî mue mûtikamarûmîrîre.

Johana 1:26

Johana nîwamacokerie atîrî, “Nie mvatithanagia na manjî, nwatî gatagatîrî kenyu varî na mûndû mûtecî.

Johana 18:36

Nake Jesû nîwaugire atîrî, “Ûthamaki wakwa tî ta wa andû a gûkû nthî. Nîûndû ûthamaki wakwa ûngîkariî ta wa andû a gûkû nthî, arûmîrîri akwa nîmangîrandûîrîra nîguo ndikanenganîrwe kûrî Ayahudi. Nwatî ûthamaki wakwa tî ta wa andû a gûkû nthî!”

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Akol 1:27

Ngai nîwavangire kûmenyithia andû ake magegania ma nthitho yake kûrî andû a Ndûrîrî. Na nthitho îo nî atî Kristû atûûraga ndaarî yenyu, na ûguo nî kuga nîmûkaagîa na riiri wata ûrîa Ngai arî na riiri.