Luka 17:2 - ÎVUKU RÎA ÛVORO MWARO

² Wana nî kava mûndû ûcio overerwe îthiga rîa kîthîi ngingorî yake akînaikua îriarî, gûkîra kûmûrekereria avîtithie kamwe ga twana tûtû tûnini.

Luka 17:2 ပူးပေါင်းရင်းမြစ်များ

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Mathaayo 17:27

Nwatî tue tûtirenda kûrakaria andû aya. Na kwoguo thiî îriarî na wikie ndwano. Warîkia kûnyita nthamaki ya mbere, mîvingûre kanyua ka yo na nîûkwona mbeca. Mbeca îo nîmbîganu ya kûrîva gooti ya hekarû; mîoce na ûthiî ûrîve gooti yakwa na yaku.”

Mathaayo 18:10

“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Mathaayo 18:14

Na njîra wata îo, îthe wenyu ûrîa wî îgûrû ndendaga kamwe ga twana tûtû tûnini tûûra.

Mathaayo 26:24

Mûrû wa Mûndû nîagûkua wata ûrîa Mandîko Matheru maugîte. Nwatî kaî mûndû ûrîa ûgûcukanîrîra Mûrû wa Mûndû nîakûgîa na thîna-î! Nî kava mûndû ûcio atangîaciarirwe!”

Maariko 9:42

“Mûndû wa wonthe angîvîtithia kamwe ga twana tûtû tûmbîtîkîtie, wana nî kava overerwe îthiga rîa kîthîi ngingorî yake na acoke aikue îriarî.

Johana 21:15

Marîkia gûtua mwathi Jesû nîwaûririe Simoni Petero atîrî, “Simoni Mûrû wa Johana nîûmendete gûkîra aya engî?” Nake Simoni nîwamûcokerie atîrî, “Îî Mwathani, we nîwîcî atî nîngwendete.” Nake Jesû nîwamwîrire atîrî, “Rîthagia ng'ondu ciakwa.”

1Akor 9:15

Nwatî ndianatûmîra wana kîmwe Kîam ivooto ino na ndirandîka ûguo rîu nîguo atî ngîe na kîmwe gîa cio. Wana nî kava ngue gûkîra mûndû anjune kîrîa gîtûmaga nîtîîe.

1Akor 9:22

Vîndî îrîa nîrî gatagatîrî ka arîa matarî na vinya wîtîkiorî nduîkaga wa tao nîguo nîmagucîrîrie. Kwoguo nînduîkaga maûndû monthe kûrî andû onthe, nîguo mvonokie amwe gatagatîrî kao na njîra cionthe irîa nîngîvota.