Luka 16:8 - ÎVUKU RÎA ÛVORO MWARO

⁸ “Nakîo gîtonga kîu nîkîaganire mûmenyereri ûcio wa indo ûtaarî mwîvokeku na ûcio watûmîrîte wara mwîngî, nîûndû andû a gûkû nthî nî aara gûkîra andû arîa methagîrwa marî a ûtheri.”

Luka 16:8 ပူးပေါင်းရင်းမြစ်များ

Kîam 3:1

Njoka yarî na wara gûkîra nyamû irîa ciîngî cionthe cia kîthaka irîa Ngai-Mûnene, Ngai aaûmbîte. Njoka nîyaûririe Mûndûmûka atîrî, “Nîkwa Ngai aamwîrire mûtikaarîe matunda ma mûtî wana ûrîkû mûgûndarî ûyû?”

2Sam 13:3

Nwatî Amunoni aarî na mûratawe wetagwa Jonadabu mûvîcî wa Shama. Shama aarî mûrwang'ina na Daudi. Nake Jonadabu aarî mûndû mwara mûno.

2Atha 10:19

Kwoguo mbîtîrani arathi onthe a Baali, andû onthe arîa mamîgoocaga, na athînjîri-Ngai a yo onthe; na mûtigatige wanarî ûmwe, nîûndû nînîrenda kûrutîra Baali îgongoona rînene mûno, na mûndû ûrîa ûtagûûka nîkwa akaûragwa.” (Jehu eekire ûguo na wara nîguo aûrage andû onthe arîa magoocaga Baali.)

Thaburi 17:14

mvonokia na vinya waku we Ngai-Mûnene, kuuma kûrî andû arîa marî na indo cionthe irîa mendaga. Maverithie na îvera rîrîa ûmaigîrîte, ciana ciao irokinyîrwa nî îvera rîu, na rîkinyîre ciana cia ciana ciao!

Ntha 1:10

Mbaara îngiumîra, andû aya nwa manyitanîre na nthû cietû magatûvoota, na nwamaûre makauma gûkû vûrûrirî. Nîtûcarie njîra îrîa îngîgiria mongerereke makîria.”

Nthi 12:8

Mûndû mûûgî nîakumagua nî andû arîa engî, nwatî mûndû kîrimû nîkwa anyararagwa.

Mathaayo 12:32

Mûndû wa wonthe ûrumaga Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndakooverwa îvindarî rîîrî kana rîrîa rîgaaûka.

Mathaayo 17:26

Nake Petero nîwacokirie atîrî, “Nî ageni.” Nake Jesû nîwerire Petero atîrî, “Ûguo nîkuga ene vûrûri matiagîrîrwe nî kûrîva gooti.

Luka 16:10

Mûndû wa wonthe mwîvokeku na tûindo tûnini, nîakethîrwa arî na indo nyîngî. Nake mûndû ûrîa ûtarî mwîvokeku na tûindo tûnini, ethagîrwa atarî mwîvokeku na indo nyîngî.

Luka 16:4

Rîu nînamenya ûrîa ngwîka, nîguo andû makaangwataga ûgeni mîciîrî yao navutwa wîra.’

Luka 16:7

Mûmenyereri ûcio wa indo nîwacokire agîta mûndû wîngî warî na thirî ya gîtonga gîake na akîmûria atîrî, ‘Nawe-î, ûrî na thirî wîgana atîa wa gîtonga gîakwa?’ Nake mûndû ûcio nîwamûcokerie atîrî, ‘Nie nîrî na thirî wa ngano ngunia ngiri îmwe.’ Nake mûmenyereri ûcio wa indo nîwamwîrire atîrî, ‘Ke maarûa îno ya thirî waku na wandîke atî ûrî na thirî wa ngano ngunia magana manana.’

Luka 18:6

Nake Mwathani nîwathiîre na mbere kuga atîrî, “Nîmwegua ûrîa mûcirithania ûcio ûtaarî mûthingu aaugire?

Luka 20:34

Nake Jesû nîwamacokerie atîrî, “Andû a mavinda mama nîmavikanagia na makavikua,

Luka 20:35

nwatî andû arîa makoonwa marî agîrîru a kûriûka kuuma kûrî akuû, matikaavikania wana kana mavikue.

Johana 12:36

Îtîkiani ûtheri vîndî îrîa mûrî naguo, nîguo mûtuîke andû a ûtheri.” Nake Jesû aarîkia kuga ûguo, nîwamatigire na akîmethitha.

1Akor 3:18

Mûndû wana ûrîkû ndakeveenie. Ethîrwa nîkûrî na mûndû wana ûmwe gatagatîrî kenyu wîciragia atî ke nî mûûgî arî gûkû nthî îno, nîwagîrîrwe nîgwîtua kîrimû nîguo atuîke mûûgî na ma.

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

1Ath 5:5

Muonthe mûrî andû a ûtheri na a mûthenya. Tûtirî a ûtukû kana a nduma.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

1Joh 3:10

Îno nîyo ngûrani îrîa îthagîrwa îrî vo gatagatîrî ga ciana cia Ngai na ciana cia Ngoma. Mûndû wa wonthe ûtekaga ûrîa kwagîrîrîte, tî mwana wa Ngai na andû arîa matendete andû arîa engî tî ciana cia Ngai.