Luka 16:7 - ÎVUKU RÎA ÛVORO MWARO

⁷ Mûmenyereri ûcio wa indo nîwacokire agîta mûndû wîngî warî na thirî ya gîtonga gîake na akîmûria atîrî, ‘Nawe-î, ûrî na thirî wîgana atîa wa gîtonga gîakwa?’ Nake mûndû ûcio nîwamûcokerie atîrî, ‘Nie nîrî na thirî wa ngano ngunia ngiri îmwe.’ Nake mûmenyereri ûcio wa indo nîwamwîrire atîrî, ‘Ke maarûa îno ya thirî waku na wandîke atî ûrî na thirî wa ngano ngunia magana manana.’

Luka 16:7 ပူးပေါင်းရင်းမြစ်များ

Mathaayo 18:28

“Nayo ndungata îo nîyacokire îkiuma, na îgîtûngana na ndungata îmwe ya arîa maarutaga wîra nayo na yarî na thirî wake wa mbeca îgana rîmwe. Ndungata îo nîyamûnyitire ngingo na vinya îkîmîvivinya mîmero îkîmîraga atîrî, ‘Ndîva thirî wakwa wonthe.’

Luka 16:6

Nake nîwamûcokerie atîrî, ‘Nie nîrî na thirî wa maguta ndeve îgana rîmwe.’ Nake mûmenyereri ûcio wa indo nîwerire mûndû ûcio warî na thirî atîrî, ‘Ke maarûa îno ya thirî waku, wîkare nthî narua na wandîke atî wîna thirî wa maguta ndeve mîrongo îtano.’

Luka 16:8

“Nakîo gîtonga kîu nîkîaganire mûmenyereri ûcio wa indo ûtaarî mwîvokeku na ûcio watûmîrîte wara mwîngî, nîûndû andû a gûkû nthî nî aara gûkîra andû arîa methagîrwa marî a ûtheri.”

Luka 2:37

Ana nîwathiîcaga hekarûrî mûthenya wana ûtukû na akathaithaga Ngai mûno na njîra ya kûmûvoya na kwînyerekia.

Luka 20:12

Nîwacokire agîtûma ndungata îngî ya kathatû; na wa nayo makîmîtivangia na makîmîrutûrûra mûgûndarî ûcio.

Luka 20:9

Jesû nîwacokire akîva andû ngerekano îno: “Vîndî îmwe kwarî na mûndû wavandire mîthavibu mûgûndarî wake agîûkomborithia kûrî arîmi, agîcoka akîthiî vûrûrirî wîngî na agîkara kuo îvinda îraca.