Luka 16:19 - ÎVUKU RÎA ÛVORO MWARO

¹⁹ “Vîndî îmwe kwarî na mûndû warî mûtongu mûno na wekagîra nguo cia goro cia rangi ya njambarawe. Nake mûndû ûcio atûûraga na mîkarîre ya goro mûno mîthenya yonthe.

Luka 16:19 ပူးပေါင်းရင်းမြစ်များ

Esita 8:15

Moridekai nîwaumire mûciî kwa mûthamaki ekîrîte nguo cia ûthamaki cia rangi wa vururu na îno njerû, na ekîrîte nthûmbî mbaro ya thaavu. Andû onthe a Susa nîmaumîrire varavararî makiugagîrîria macanjamûkîte.

Nthi 14:24

Andû arîa aûgî nîmavecagwa ûtonga, nwatî andû arîa irimû mamenyekaga nî ûrimû wao.

Nthi 31:22

Atumaga nguo cia kwara ûrîrî, na ekagîra nguo mbaro cia rangi wa njambarawe.

Isaia 3:23

nguo ciao cia kwîyonania nacio, nguo irîa mbaro, iremba na itambaa cia gwîkunîka ûthiû.

Ezek 16:13

Ûguo nîguo wagemetue na thaavu na sîlûva. Wekagîra nguo irîa mbaro na ciagemetue waro. Warîcaga irio cia mûtu ûrîa mûvinyu mûno, na ûûkî na maguta. Nîwatuîkire mûthaka makîria na ûgîtûgîra nginya ûgîtuîka mûthamaki mûndûmûka.

Ezek 16:49

Îvîtia rîa mwarwanyûkwe Sodomu nî atî, ke na erîtu ake maarî etîi, maarî na irio cia kwîgana na nîmeganîrîte, nwatî matiatethagia andû arîa maarî athîni na avatari.

Ezek 27:7

Itambaa cia gûtwarithia meri ciaku, ciarî cia nguo mbaro ng'emie kuuma Misiri; na yarî vendera yaku. Kîandarûa gîaku Kîamgemetue na rangi wa vururu, na wa njambarawe kuuma icîgîrîrarî cia Elisha.

Maariko 15:17

Nîmaacokire makîmwîkîra nguo ya rangi ya njambarawe, makîthondeka nthûmbî ya mîgua na makîmwîkîra yo kîongorî gîake.

Maariko 15:20

Rîrîa maarîkirie kûmûnyûrûria, nîmaamûrutire nguo ya rangi ya njambarawe îrîa maamwîkîrîte na makîmûcokia nguo ciake. Nao nîmaamûrutire na nja makamwambe.

Luka 15:13

Mîthenya mînini yavîtûka, mwanake ûcio warî mûnini nîwendirie îgai rîonthe rîake na akiuma kûu mûciî arî na mbeca. Nîwathiîre vûrûrirî ûmwe wa kûraca kûrîa anangire mbeca cionthe ciake na gwîka maûndû ma ûûra nthoni.

Luka 16:1

Jesû nîwerire arutwa ake atîrî, “Vîndî îmwe kwarî na gîtonga Kîamrî na mûndû wa kûmenyerera indo ciakîo. Nakîo gîtonga nîkîerirwe atî mûndû ûcio nîwatûmagîra mbeca ciakîo naaî.

Luka 16:18

“Mûthuuri wa wonthe ûtecaga mûka na akavikia mûndûmûka wîngî nîatharagia. Nake mûthuuri wa wonthe ûvikagia mûndûmûka ûrîa ûtetwe nî mûthuuriwe, nîatharagia.

Luka 16:20

Na wa kûu kwarî na mûthîni ûmwe wetagwa Lazaro, ûrîa warî na ironda nyîngî mûno mwîrîrî wake. Nake Lazaro nîwaviragwa mûromorî wa nyomba ya gîtonga kîu,

Kûguû 17:4

Mûndûmûka ûcio eekîrîte nguo cia rangi wa njambarawe na rangi ndune. Nîwegemetie mwîrî na mathaga ma thaavu, mathiga ma goro, na ciûma cia goro cia mîthemba mîîngî. Njararî yake nîwagwete gîkombe Kîam thaavu gîcûrîte maûndû macûku na mîtugo îtarî mîaro ya ûmaraa.

Kûguû 18:16

“Kaî wî na thîna-î! Kaî wî na thîna-î, we Îtûûra rîrîa rînene, rîrîa rîekagîra nguo cia itambaa mbaro, cia rangi wa njambarawe, na cia rangi ndune. Ke eegemagia na mathaga ma thaavu, mathiga ma goro na ma ruru!

Kûguû 18:7

Mûve mathîna meengî na kîeva ciîgana ta riiri na ikeno irîa ke eeveere. Ke eeîraga atîrî, ‘Nie nî mûndûmûka mûthamaki! Nie ndirî mûndûmûka wa ndigwa, na ndikethîrwa na kîeva!’

Atir 8:26

Icûvî cia matû cia thaavu irîa Gideoni eetirie ciarî na ûrito wa vakuvî kilo mîrongo îîrî (20 kg) gûtatarîtwe mînyamû îrîa yacuragua ngingorî cia ngamîîra, mîkathî ya ngingo, na nguo cia rangi wa njambarawe irîa ciekagîrwa nî athamaki a Midiani.