Luka 16:16 - ÎVUKU RÎA ÛVORO MWARO

¹⁶ “Maûndû marîa mandîkîtwe Wathorî wa Musa na mavukurî ma arathi nîmaavunjirue nginya vîndî ya Johana Mûvatithania. Kuuma vîndî îo, Ûvoro Mwaro wa Ûthamaki wa Ngai nî ûvunjagua, na mûndû wa wonthe nî ageragia na vinya ûrîa angîtonya kuo.

Luka 16:16 ပူးပေါင်းရင်းမြစ်များ

Mathaayo 10:7

Thiîni mûkîvunjagia atîrî, ‘Ûthamaki wa îgûrû ûrî vakuvî!’

Mathaayo 15:11

Kîndû kîrîa gîtonyaga kanyuarî ka mûndû tîkîo gîtûmaga agîe na gîko, nwatî nî kîndû kîrîa kiumaga kanyuarî ka mûndû gîtûmaga agîe na gîko.”

Mathaayo 21:32

Nîûndû Johana Mûvatithania aaûkire kûrî mue akîmwonagia njîra îrîa mbaro, namue nîmwaregire kûmwîtîkia. Nwatî etia mbeca cia gooti na maraa nîmaamwîtîkirie. Na wana mwona ûguo, mûtiacoka gûcenjia meciria menyu nîguo mûmwîtîkie.”

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 4:17

Kuuma vîndî îo Jesû nîwambîrîrie kûvunjia, akaugaga atîrî, “Îîrireeni mevia menyu, nîûndû ûthamaki wa îgûrû ûrî vakuvî!”

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Maariko 1:14

Rîrîa Johana aavingîrwe njeera, Jesû nîwathiîre Galili akîvunjagia Ûvoro Mwaro wa Ngai,

Maariko 1:45

Nake mûndû ûcio aathiî, nîwaririe atagwîtigîra na agîtambia ûvoro ûcio mûno ûndû Jesû atangîatonyire îtûûrarî wanarî rîrîkû akîonagwa. Kwoguo Jesû nîwathiîre kûndû kwîthithu, nwatî wana arî kuo andû nwa maathiîcaga kûrî ke maumîte kûndû kuonthe.

Luka 10:11

‘Wana nginya rûkûngû rwa îtûûra rîenyu rûrîa rûraûmbîrîrîte magûrûrî metû, nîtwerivariva ruo nîguo rûmûcokerere. Nwatî ririkanani atî, Ûthamaki wa Ngai ûrî vakuvî mûno namue!’

Luka 10:9

Vonagiani arwaru arîa makethagîrwa marî kuo, na mwîrage andû akuo atî, ‘Ûthamaki wa Ngai ûrî vakuvî mûno namue.’

Luka 16:29

“Nake Iburahimu nîwerire gîtonga kîu atîrî, ‘Aa mûrwanyûkwe marî na Musa na Arathi a kûmakania.’

Luka 16:31

Nwatî Iburahimu nîwacokerie gîtonga kîu atîrî, ‘Angîthîrwa matingîthikîrîria Musa na Arathi, wana mûndû akariûka matingîmûthikîrîria.’ ”

Luka 9:2

Nîwacokire akîmatûma mathiî makavunjie Ûvoro wa Ûthamaki wa Ngai na makavonie arwaru.

Johana 1:45

Nake Filipu nîwonire Nathanieli na akîmwîra atîrî, “Tue nîtwona mûndû ûrîa ûvoro wake wandîkîtwe nî Musa îvukuurî rîa Watho na ûgacoka ûkandîkwa nî arathi. Ke nîke Jesû mûriû wa Josefu wa kuuma îtûûrarî rîa Nazarethi.”

Johana 11:48

Wona twareka athiî na mbere gwîka maûndû mama, andû onthe nîmakûmwîtîkia. Nao Aroma nîmagûcoka maûke macûkangie hekarû yetû na rûrîrî rwetû!”

Johana 12:19

Nao Afarisai nîmaacokire makîrana atîrî, “Nîmûrona tûtiravota gwîka wanarî atîa! Taroriani! Andû onthe nîmaramûrûmîrîra!”

Johana 5:4

nîûndû mavinda kwa mavinda mûraika wa Mwathani nîwanyûrûrûkaga îriarî rîu na akaunjuga manjî. Nake mûrwaru wa wonthe ûrîa watuvûkaga îriarî rîu arî wa mbere manjî marîkia kunjugwa, nîwavonagua mûrimû wa wonthe ûrîa ethagîrwa arwarîte.]

Ciîko 3:18

Nwatî ûguo nîguo Ngai aavingirie ûrîa ke aarîtie na njîra ya tûnyua twa arathi ake onthe, atî nwa nginya Mesaya wake anyarirwe.