Luka 16:14 - ÎVUKU RÎA ÛVORO MWARO

¹⁴ Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Luka 16:14 ပူးပေါင်းရင်းမြစ်များ

Thaburi 119:51

Arîa mataicî Ngai manyararaga vîndî cionthe, nwatî nditiganagîria watho waku.

Isaia 53:3

Nîyamenirwe na îkîregwa nî andû; aarî mûndû wî kîeva na ûrîîte thîna, na agatuîka wa kwîthithîrwa nî andû; nîwamenirwe na twamwonaga ta atarî kîndû.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 9:24

nîwaugire atîrî, “Umani muonthe! Kerîtu tî gakuû; nîkwa karî toro!” Nao andû onthe nînaamûthekerere.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Luka 20:47

Andû acio nwao mathithûkagîra aka a ndigwa na makamacuna indo ciao cionthe na magacoka makeyonania ûrîa marî aro na njîra ya kûracavia mavoya. Andû acio nîmakaaverithua mûno makîria!”

Luka 23:35

Rîrîa andû maarûngamîte vau maroretie, atongoria a Ayahudi nîmaanyûrûririe Jesû makîmwîraga atîrî, “Nîaravonokagia andû arîa engî, tiga evonokie rîu angîthîrwa ke nîke Mesaya ûrîa Ngai athuurîte!”

Luka 8:53

Nao andû onthe arîa maarî vo nîmaamûthekerere nîûndû nîmaamenyaga atî mwîrîtu ûcio aarî mûkuû.

2Tim 3:2

Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.