Luka 16:13 - ÎVUKU RÎA ÛVORO MWARO

¹³ “Gûtirî ndungata îngîvota gûtuîka ngombo ya athani aîrî. Nîûndû nwa yende ûmwe na îkamena ûcio wîngî, kana yathîkîre ûmwe na iire ûcio wîngî. Ndûngîvota gûtungatîra Ngai na ûtungatîre ûtonga.”

Luka 16:13 ပူးပေါင်းရင်းမြစ်များ

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Luka 11:23

“Mûndû wa wonthe ûtethagîrwa arî vamwe nanie na ma ke nî nthû yakwa. Na mûndû wa wonthe ûtacokanagîrîria vamwe nanie na ma ke nîkwa anyagarûkanagia.”

Luka 14:26

“Mûndû wa wonthe ûkaga kûrî nie na nwa ende gûtuîka mûrutwa wakwa nwa nginya amende makîria ya ûrîa endete îthe na ng'ina, mûka na ciana, aa mûrwang'ina na aa mwarwang'ina, na amende makîria ya ûrîa eyendete ke mwene.

Luka 16:12

Na angîthîrwa ndûrî mwîvokeku na indo cia mûndû wîngî, nû ûngîkûnengera indo irîa irî ciaku?

Luka 16:9

Jesû nîwathiîre na mbere kwaria na akiuga atîrî, “Tûmîrani ûtonga wa gûkû nthî mûkîthondeka arata, nîguo rîrîa ûtonga wenyu ûkaathira, Ngai akamûgwata ûgeni mûciîrî wa tene na tene.

Luka 9:50

Nwatî Jesû nîwacokerie Johana na arutwa acio engî atîrî, “Mûtiagîrîrwe nî kûmûkaania, nîûndû mûndû wa wonthe ûtarî nthû yenyu nî wa thiritû yenyu.”

Jakuvu 4:4

Mue andû aya mûtarî evokeku! Anga mûtiîcî atî gûtuma ûrata na nthî nîgûtuîka nthû ya Ngai? Andû arîa meriragîria gûtuma ûrata na nthî nîmetucaga nthû cia Ngai.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”