Luka 15:5 - ÎVUKU RÎA ÛVORO MWARO

⁵ Na amîona, nîakenaga mûno nginya akamigîrîra cianderî ciake

Luka 15:5 ပူးပေါင်းရင်းမြစ်များ

Isaia 62:12

Andû acio nîo mageetagwa, “Andû arîa atheru, arîa mavonoketue nî Ngai-Mûnene.” Nawe Jerusalemu ûgeetagwa, “Îtûûra rîrîa Ngai endete,” nwatî tî “Îtûûra rîrîa rîtiganîrie.”

Isaia 62:5

Nîûndû wata ûrîa mwanake avikagia mwîrîtu nthingi, nwaguo ûrîa wakûmbire agaakûvikia. Na wata ûrîa mûvikania akenagîra mûviki wake, nwaguo Ngai waku agaakena nîwe.

Isaia 63:9

kuuma mathînarî mao monthe. Tî mûraika wamavonokagia, nwatî nî Ngai-Mûnene ke mwene wamavonokagia. Aamakûûrire nîûndû wa wendo wake na ntha ciake. Aatwîre amamenyagîrîra kuuma tene.

Ezek 18:23

Mûreciria nwa ngenerere gîkuû Kîam mûndû mwîvia? Ûguo nîguo Ngai-Mûnene araûria? Naarî. Kinthî tîkava agarûrûke atige njîra îo atûûre mwoyo.

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Mika 5:4

Mûtongoria ûcio nîakaarîthia andû ake na vinya kuuma kûrî Ngai-Mûnene, na ûvoti wa Ngai ke mwene. Andû ake nîmagaatûûra matarî na guoya, nîûndû akethîrwa arî mûnene nginya mîthiia yonthe ya nthî,

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 15:4

“Mûndû ûmwe gatagatîrî kenyu angîthîrwa arî na ng'ondu îgana, na îmwe yacio yûre-î, angîcoka eke atîa? Na kinthî ndatigaga icio ciîngî mîrongo kenda na kenda kîthakarî, na agacoka akathiî gûcaria îo îngî yûrîte nginya rîrîa akaamîona.

Luka 15:6

na akamîkuua amîcoketie na mûciî. Na akinya mûciî, nîwîtaga arata ake wa vamwe na andû arîa maatûûranîrîte nake na akameera atîrî, ‘Ûkani tûkenanîre nîûndû nîrîmwonu ng'ondu yakwa îrîa îraûrîte!’

Luka 19:9

Nake Jesû nîwamwîrire atîrî, “Ûmûnthî ûyû ûvonokio nîwaûka mûciî ûyû nîûndû mûndû ûyû wa nake nî wa mbarî ya Iburahimu.

Luka 23:43

Nake Jesû nîwamwîrire atîrî, “Na ma nîrakwîra atî, ûmûnthî ûyû, nîwîthîrwa ûrî îkenero vamwe nanie.”

Johana 15:11

“Nie namwîra maûndû mama nîguo mûgîe na gîkeno ta kîrîa nîrî nakîo na mûgîe na gîkeno gîcûru.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Aefeso 3:7

Nînatwirwe ndungata ya ûvoro mwaro na njîra ya kîveo Kîam mwanya Kîam wega wa Ngai kîrîa naveerwe na njîra ya vinya wake.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.

2Tim 2:26

Na njîra ta îno nwa mecokere na makaûrîra mûtego wa Ngoma ûrîa wamagwatire na agîtûma mekage ûrîa ke akwenda.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.