Luka 15:32 - ÎVUKU RÎA ÛVORO MWARO

³² Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 15:32 ပူးပေါင်းရင်းမြစ်များ

Thaburi 51:8

Mbîcûria gîkeno na ûnjanjamûre; na wana ethîrwa nî ûnthirîtie vinya, nî ngwîcûrwa nî gîkeno rîngî.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Hosea 14:9

Mûndû wa wonthe mûgî nîataûkîrwe nî maûndû mama, arîa maicî gûkûûrana nîmamenye maûndû mama. Nîûndû njîra cia Ngai-Mûnene nî nûngarû na andû arîa athingu matûûraga mairûmagîrîra, nwatî evia nîmavîngagwa marî njîrarî icio.

Mathaayo 18:11

Nîûndû Mûrû wa Mûndû aaûkire kûvonokia arîa maûrîte.]

Luka 15:24

nîûndû mwanake ûyû wakwa ararî mûkuû, nwatî rîu nîmûriûku; ararî mûru nwatî rîu nîmwoneku.’ Na kwoguo nîmaambîrîrie gûkenanîra.

Luka 15:31

Nake îthe nîwamûcokerie atîrî, ‘Mûvîcîwa, twîthagîrwa nawe vingo cionthe, na indo cionthe ciakwa nî ciaku.

Luka 7:34

Nake Mûrû wa Mûndû aûka akîrîcaga na akînyunyaga mûkiuga atî, ‘Taroriani mûndû ûyû! Ke nîmûkoroku na nî mûrîu! Nî mûrata wa etia a mbeca cia gooti na wa evia arîa engî.’

Aroma 11:15

Nîûndû rîrîa Ngai aaregire Ayahudi, andû acio engî a nthî nîmaatuîkire arata ake. Kwoguo rîrîa Ngai ageetîkîra Ayahudi, andû arîa makeethîrwa marî akuû nîmakaariûka.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Aroma 3:4

Naarî! Ngai atûûraga arî mwîvokeku wana andû onthe mangîtuîka a maveeni. Kwandîkîtwe atîrî Mandîkorî matheru, Nwanginya wonanagie kîvooto rîrîa ûkwaria na rîrîa ûgûtuîrwa ciira, nwanginya ûvootanage.