Luka 15:28 - ÎVUKU RÎA ÛVORO MWARO

²⁸ “Mwanake ûcio mûkûrû nîwarakarire mûno na akîrega gûtonya nyomba. Kwoguo îthe nîwaumire nja na akîambîrîria kûmûthaitha atonye nyomba.

Luka 15:28 ပူးပေါင်းရင်းမြစ်များ

Isaia 65:5

Meraga andû arîa engî atîrî, ‘Mûtigatûkuvîvîrie; tue tûrî atheru kûmûkîra, mûtigatûvutie!’ Andû ta acio ndingîmakirîrîria, marakara makwa kûrî o mekariî ta mwaki ûrîa ûtavoraga.

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Jeremia 35:16

Anake a Jonadabu mûvîcî wa Rekabu nîmarûmîrîrîte watho ûrîa maveerwe nî îthe wao, nwatî mue mûtianthikîrîria.

Jona 4:9

Nwatî Ngai nîwerire Jona atîrî, “Kûrî na vata wa kûrakarîra kamûtî kau?” Nake Jona nîwacokirie atîrî, “Nîrî na kîvooto gîa kûrakara, kûrakara nginya ngerirîria gûkua!”

Mathaayo 20:11

Nao nîmoocire mbeca ciao na makîambîrîria gûtetia mûmandîki.

Maariko 1:40

Mûndû ûmwe warwarîte mûrimû mûcûku wa ngothi nîwathiîre kûrî Jesû akîmûturîria maru na akîmûkaîra akîmwîra atîrî, “We ûngîenda nwa ûntherie.”

Luka 13:34

“Jerusalemu, Jerusalemu! Atî wa rîrîa rîonthe Ngai agûtûmîra arathi nîkwa ûmaûragaga! Nî maita megana nanenda gûcokanîrîria andû aku vamwe wata ûrîa ngûkû îcokanagîrîria tûciiû rungu rwa mathagu mayo, nwatî ndûmbîtîkagîria!

Luka 15:2

Nao Afarisai na arimû a Watho nîmaambîrîrie kûnuguna makiugaga atîrî, “Mûndû ûyû nîagwataga evia ûgeni wana nginya akarîcanîra nao!”

Luka 15:27

Nayo ndungata îo nîyamûcokerie atîrî, ‘Nî mûrwanyûkwe ûrîa mûnini ûcokire mûciî. Nake aguo amûthînjîra karegwa karîa kanoru viû nîûndû nîamûcokerere arî mûgima.’

Luka 15:29

Nwatî mwanake ûcio nîwacokerie îthe atîrî, ‘Vava tathikîrîria ngwîre! Ngûrutîrîte wîra mîaka îno yonthe ndagûkûvîtîria, nwatî ndwanamva wanarî koori kamwe nîguo tûrîcanîre na arata akwa tûkenete.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Luka 5:30

Nao Afarisai amwe wana arimû a Watho arîa maarî a gîkundi Kîamo, nîmaanegenirie arutwa a Jesû makîmeeraga atîrî, “Nîndûî gîtûmaga mûrîcanîre na mûnyunyanîre na etia a mbeca cia gooti wa vamwe na evia?”

Luka 7:39

Vîndî îrîa Mûfarisai ûcio wetîrîte Jesû irio oonire ûguo, nîweîrire na ngoro atîrî, “Mûndû ûyû angîrî mûrathi, nîangîramenya mûndûmûka ûyû ûramûvutia nî wa mûthemba ûrîkû, wana rîngî nîangîramenya mûndûmûka ûyû nî mwîvia.”

Ciîko 13:45

Na rîrîa Ayahudi moonire kîrîndî, nîmecûrirwe nî wîru, magîkararia maûndû marîa Paûlo aaragia, na makîmûruma.

Ciîko 13:50

Nwatî Ayahudi nîmaaunjugire anene a îtûûra wana aka a ndûrîrî a Kîrathi Kîam îgûrû arîa meetîkîtie Ngai. Nao nîmaatûmire Paûlo na Baranaba mambîrîrie kûnyariirwa na makîmengata kuuma vûrûrirî ûcio wa kwao.

Ciîko 14:19

Nao Ayahudi amwe nîmaakinyire maumîte matûûrarî ma Antiokia ya Pisidia na Ikonia, na makîonithia andû ûrîa makûregana na Paûlo. Kwoguo nîmaamûrivire na mathiga na makîmûkururia makîmûruta nja ya îtûûra rîu magîîciragia atî ke aarî mûkuû.

Ciîko 14:2

Nwatî Ayahudi amwe arîa maaregete gwîtîkia nîmaaunjugire andû a ndûrîrî na makîmaringîrîra mamene etîkia.

Aroma 10:19

Wana rîngî nîmbûria atîrî: Nîkwa andû a Isiraeli mataataûkîrwa? Nîma nîmaataûkîrwe. Musa nîwaugire wa mbere atîrî: “Nîngaatûma mwîgue wîru nîûndû wa rûrîrî vatarî, na njîra ya rûrîrî rwa andû aritu nîngaatûma mûrakare.”

2Akor 5:20

Kwoguo, tue tûrî arîrîria a Kristû ta arî Ngai ûrathaithana na njîra yetû. Nîtûramûthaitha vandûrî va Kristû, mwîgwithanue na Ngai.

1Ath 2:16

Wana nîmaageragia gûtûgiria tûtikavunjîrie andû a ndûrîrî ndûmîrîri îrîa îngîtûma mavonoke. Na njîra îno nîmarîkîtie gûkinya mûthiia wa mevia marîa matwîre mekaga. Namo marakara ma Ngai nîmakinyîte kûrî o.

1Sam 17:28

Nake Eliabu, mûrwang'ina ûrîa mûkûrû nîweguire Daudi akîaria na andû acio. Nîwarakarirue nî Daudi na akîmûria atîrî, “We ûreka atîa gûkû? Ûtigîre ng'ondu icio itarî nyîngî werûrî irî na û? Nîmbicî ûrîa ûreîgîria na ûûru ûrîa ûrî ngororî yaku! Nîûndû we ûûkîte tu kwona mbaara.”

1Sam 18:8

Rîrîa Saûlo eegwire ûguo, nîwarakarire mûno na akiuga atîrî, “Marauga atî Daudi aûragîte andû ngiri makûmi meengî, nwatî nie mbûragîte tûkiri tûnini. Rîu ûndû ûrîa ûtigarîte nî kûmûtua mûthamaki.”