Luka 15:14 - ÎVUKU RÎA ÛVORO MWARO

¹⁴ Na rîrîa avûthîre mbeca cionthe irîa aarî nacio, nîkwagîre na yûra rînene vûrûrirî ûcio nginya akîambîrîria kûthînîka.

Luka 15:14 ပူးပေါင်းရင်းမြစ်များ

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

Nthi 13:25

Andû arîa athingu methagîrwa marî na irio cia kwîgana, nwatî andû arîa aganu vîndî cionthe methagîrwa marî avûtu.

Ezek 16:27

“Kwoguo nînaûkîrîrie njara yakwa nîguo ngûverithie. Nînaanyivirie îgai rîaku na ngîkûrekereria kûrî nthû ciaku, erîtu a Afilisiti arîa maaconokire mûno nîûndû wa ciîko ciaku cia ûûra nthoni.

Luka 15:13

Mîthenya mînini yavîtûka, mwanake ûcio warî mûnini nîwendirie îgai rîonthe rîake na akiuma kûu mûciî arî na mbeca. Nîwathiîre vûrûrirî ûmwe wa kûraca kûrîa anangire mbeca cionthe ciake na gwîka maûndû ma ûûra nthoni.

Luka 15:15

Kwoguo mwanake ûcio nîwathiîre na akîûria wîra kwa mûndû ûmwe wa vûrûri ûcio. Nake mûndû ûcio nîwamûvere wîra wa kûrîthia ngûrwe mûgûndarî wake.