Luka 14:15 - ÎVUKU RÎA ÛVORO MWARO

¹⁵ Rîrîa mûndû ûmwe gatagatîrî ka arîa meekarîte vau metharî eegwire ûvoro ûcio, nîwerire Jesû atîrî, “Na kaî andû arîa makaarîa irio Ûthamakirî wa Ngai nîmakaarathimwa!”

Luka 14:15 ပူးပေါင်းရင်းမြစ်များ

Mathaayo 25:10

Nao erîtu acio maarî aritu nîmaavinyûrire ndukarî kûgûra maguta. Rîrîa maathiîre kûgûra maguta, mûvikania nîwakinyire. Nao erîtu acio maarî aûgî nîmaatonyire vamwe na mûvikania kîrugorî Kîam ûviki, naguo mûrango ûkîvingwa.

Mathaayo 8:11

Nîramwîra na ma atî andû eengî nîmagaaûka maumîte mwena wa îrathîro na wa îthûîro, nîmagekara nthî na marîcanîre na Iburahimu, Isaka na Jakovu, ûthamakirî wa îgûrû.

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 13:29

Andû nîmagaakinya maumîte mwena wa îrathîro wana wa îthûîro, na maumîte mwena wa rûgûrû na wa îveti, na macoke mekare metharî na marîcanîre kîrugorî Kîam ûthamaki wa Ngai.

Luka 22:16

Nîûndû nîramwîra na ma atî nie ndikaamîrîa rîngî nginya rîrîa îkaavingua Ûthamakirî wa Ngai.”

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Kûguû 19:9

Nake mûraika nîwambîrire, “Andîka atîrî: Kûrathimwa nî arîa metîtwe kîrugorî Kîam ûviki wa Gatûrûme.” Mûraika nîwaugire rîngî atîrî, “Ino nîcio ciugo cia ma kuuma kûrî Ngai.”