Luka 14:11 - ÎVUKU RÎA ÛVORO MWARO

¹¹ Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Luka 14:11 ပူးပေါင်းရင်းမြစ်များ

2Sam 22:28

Nîûvonokagia arîa menyivagia, nwatî nîwagithagia kîene arîa metîîaga.

Esita 6:10

Nake mûthamaki nîwerire Hamani atîrî, “Thiî narua woce nguo icio na mbarathi îo na ûve Moridekai ûrîa Mûyahudi gîtîîo kîu. Mûmwîke maûndû monthe marîa mwagweta. Nîmûkûmwîthîrîria arî vau mwîrîgarî wa mûciî wa mûthamaki.”

Ayubu 22:29

Nîûndû Ngai nîanyivagia arîa etîi, na akavonokia arîa menyivagia.

Thaburi 138:6

Wana ethîrwa we Ngai-Mûnene ûrî îgûrû mûno, nîûmenyagîrîra andû arîa menyivagia. Nwatî arîa etîi nîûmamenyaga ûrî wa kûraca.

Thaburi 18:27

Nîûvonokagia andû arîa menyivagia, nwatî nîûturithagia kîene andû arîa etîi.

Nthi 15:33

Gwîtigîra Ngai-Mûnene nî kûgîa na ûûgî, na kwînyivia nîkuo gûtûmaga mûndû agîe na ngumo mbaro.

Nthi 18:12

Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

Nthi 25:27

Kûrîa ûûkî mwîngî mûno tî waro, nîûndû nîta kwenda gûkumua mûno.

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

Isaia 2:11

Mwîtîîo wa andû nîûkaathirua, na mwîcaaro wa andû onthe ûcûkangue, na Ngai-Mûnene tu nîke ûgaakumua mûthenya ûcio.

Isaia 2:17

Mwîtîîo wonthe wa andû nîûkaanyivua, na mwîcaaro wa andû nîûkaathirua, na Ngai-Mûnene wenga tu nîke ûgaakumua mûthenya ûcio.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Mathaayo 23:12

Nake mûndû wa wonthe wînenevagia nîakaanyivua, na mûndû wa wonthe wînyivagia nîakaanenevua.

Luka 1:51

Nî ekîte maûndû manene na njara ciake, nîanyagarûkanîtie arîa etîi wa na mîvango yao.

Luka 1:52

Nî agwîthîtie athamaki makauma itîîrî ciao cia ûthamaki, na akanenevia arîa menyivagia.

Luka 14:12

Jesû nîwacokire akîra mûndû ûrîa wamwîtîrîte kîrugo atîrî, “Rîrîa wavarîria kîrugo tigaga gwîtîra arata aku kana aa mûrwanyûkwe kana andû a mûciî wenyu kana itonga irîa mûriganîtie nacio, atî nîûndû wa nao nîmagaagwîtîra kîrugo mûthenya ûmwe na kwoguo makûrîve nîûndû wa kûmetîra kîrugo gîaku.

Luka 18:14

Nie nîramwîra na ma atî, mwîtia ûcio wa mbeca cia gooti eenûkire gwake mûciî arî mwagîrîru methorî ma Ngai gûkîra Mûfarisai. Nîûndû mûndû wa wonthe wînenevagia nîakaanyivua nake ûrîa wonthe wînyivagia nîakaanenevua.”

Jakuvu 1:9

Akristiano arîa athîni nîmagîrîrwe nî gûkenaga rîrîa Ngai amanenevia.

Jakuvu 4:10

Îînyivieni mbere ya Mwathani, nake nîakûmûnenevia.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

1Pet 5:6

Îînyivagieni mûrî rungu rwa Ngai ûrîa ûmûgitagîra, nîguo akaamûnenevia rîrîa kavinda karîa kagîrîru gagaakinya.

1Sam 15:17

Nake Samueli nîwerire Saûlo atîrî, “Wana ethîrwa wîyonaga takwa ûtarî vata, Ngai-Mûnene nîwagwîtîrîrie maguta ûtuîke mûthamaki wa Isiraeli,