Luka 14:10 - ÎVUKU RÎA ÛVORO MWARO

¹⁰ Vandû va ûguo ûngîtîrwa kîrugo, vandû va kwîthuurîra gîtî Kîam mbere îkaragîra gîtî kîrîa kigîtwe vuva nîguo mûndû ûrîa ûgwîtîrîte kîrugo kîu aûke na akwîre atîrî, ‘Mûrata wakwa, ûkîra ûthiî ûgekarîre gîtî kîîrîa kîrî vaarîa mbere.’ Na kwoguo we ûkeegua ûrî mûtîîkanu mûno mbere ya andû onthe arîa metîrîtwe kîrugo kîu.

Luka 14:10 ပူးပေါင်းရင်းမြစ်များ

Nthi 15:33

Gwîtigîra Ngai-Mûnene nî kûgîa na ûûgî, na kwînyivia nîkuo gûtûmaga mûndû agîe na ngumo mbaro.

Isaia 60:14

Ciana cia arîa maagûkinyagîrîria nîigaaûka, ikwînamîrîre ikûve gîtîîo. Arîa onthe maakûnyararaga magaaûka menamîrîre mbere yaku. Magaagwîta, “Îtûûra rîa Ngai-Mûnene, Zayuni, Îtûûra rîa Ûrîa Mûtheru wa Isiraeli.”

Kûguû 3:9

Tathikîrîriani! Andû amwe nî a gîkundi Kîam andû a Caitani. Andû acio nî a maveeni na maugaga atî o nî Ayahudi na tî o. Acio nîngaatûma maûke na menamîrîre mbere ya magûrû maku na nîmakaamenya atî nie nîngwendete.

1Sam 15:17

Nake Samueli nîwerire Saûlo atîrî, “Wana ethîrwa wîyonaga takwa ûtarî vata, Ngai-Mûnene nîwagwîtîrîrie maguta ûtuîke mûthamaki wa Isiraeli,