Luka 13:35 - ÎVUKU RÎA ÛVORO MWARO

³⁵ Kwoguo nîngûtiganîria hekarû yaku. Nîrakwîra na ma atî, we ndûkaamona nginya rîrîa kavinda gagaakinya karîa ûkaauga atîrî, ‘Ngai arorathima ûrîa ûûkîte na rîîtwa rîa Mwathani!’ ”

Luka 13:35 ပူးပေါင်းရင်းမြစ်များ

Thaburi 118:26

Ngai arorathima ûrîa ûkîte na rîîtwa rîa Ngai-Mûnene! Nîtwamûrathima tûrî nyombarî ya Ngai-Mûnene.

Thaburi 69:25

Kûrîa mambîte magema kûrotuîka maganjo, gûtigatûûre mûndû wanarî ûmwe magemarî mao.

Isaia 52:7

Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Jeremia 22:5

Nwatî mwarega kwathîkîra ciugo ino, nie Ngai-Mûnene, neranîra na mwîvîtwa atî nyomba îno îgaatuîka îganjo.”

Jeremia 35:17

Kwoguo nie Ngai-Mûnene Mwene vinya wonthe Ngai wa Isiraeli nîrauga atî, nîngûretera andû a Juda na andû onthe a Jerusalemu maûndû monthe macûku marîa naririe îgûrû rîao, nîûndû nîmbarîtie nao na nîmaregete kûnthikîrîria; nînametire, nao matiambîtîka.”

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Zakaria 14:2

Ngai-Mûnene nîagaacokanîrîria ndûrîrî vamwe itharîkîre Jerusalemu. Îtûûra rîa Jerusalemu nîrîgaatavwa, na indo itavwe. Aka manyitwe mamenyanwe nao kîîmwîrî na vinya. Nuthu ya andû a Jerusalemu mavirwe îthamîriorî, nwatî nuthu îo îngî ndîkaauma îtûûrarî rîa Jerusalemu.

Mathaayo 21:9

Nao andû arîa maarî mbere ya Jesû, na arîa maamumîte vuva nîmaambîrîrie kugîrîria atîrî, “Hosana, Mûrû wa Daudi! Ngai arorathima ûrîa ûkîte na rîîtwa rîa Mwathani! Hosana Ngai ûrîa ûrî îgûrû mûno.”

Mathaayo 23:37

“Jerusalemu, Jerusalemu! We nî ûragaga arathi na ûkariva na mathiga andû arîa onthe Ngai agûtûmîra! Nî maita megana nie nanenda gûcokanîrîria andû aku vamwe, wata ûrîa ngûkû îcokanagîrîria tûciiû rungu rwa mathagu mayo nwatî ndwanambîtîkîria!

Luka 19:41

Rîrîa Jesû aakuvîrîrie îtûûra rîa Jerusalemu na akîrîona, nîwarîrire nîûndû warîo

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Johana 12:13

Kwoguo nîmoocire mathîgî ma mîkîndû na makîthiî kûmûtûnga makîanagîrîra atîrî, “Hosana! Kûrathimwa nî ûrîa ûkîte na rîîtwa rîa Mwathani! Kûrathimwa nî Mûthamaki wa Isiraeli!”