Luka 13:33 - ÎVUKU RÎA ÛVORO MWARO

³³ Nwatî ûmûnthî, rûyû na aûke nwa nginya mbîthîrwe nîrî rûgendorî rwakwa. Nîûndû tî kwagîrîru mûrathi aûragwe arî kûndû kwîngî tiga îtûûrarî rîa Jerusalemu.

Luka 13:33 ပူးပေါင်းရင်းမြစ်များ

Mathaayo 20:18

“Tathikîrîriani! Tûthiîte Jerusalemu kûrîa Mûrû wa Mûndû akaanenganîrwa kûrî anene a athînjîri-Ngai na arimû a Watho. Nao nîmakaamûtuîra kûûragwa.

Mathaayo 21:11

Nakîo kîrîndî nîgîacokirie atîrî, “Ûyû nîke Jesû ûrîa mûrathi, kuuma îtûûrarî rîa Nazarethi, rîrîa rîrî Galili.”

Luka 9:53

Nao andû a gîcagi kîu nî maaregire kûmûnyita ûgeni nîûndû nîmaaicî cararûkû atî ke athiîte Jerusalemu.

Johana 11:54

Kwoguo Jesû ndaacoka kûthiî akîonagwa kûu Judea. Nîwaumire kuo na akîthiî îtûûrarî rîetagwa Efiraimu rîrîa rîarî vakuvî na werû na agîkara kuo marî na arutwa ake.

Johana 11:9

Nake Jesû nîwamerire atîrî, “Na kinthî mûthenya ndwîthagîrwa na mathaa îkûmi na maîrî? Kwoguo mûndû wa wonthe ûthiîcaga mûthenya ndavîngagwa nîûndû nîwonaga ûtheri wa gûkû nthî.

Johana 12:35

Nake Jesû nîwamerire atîrî, “Ûtheri nîwîthîrwa ûrî gatagatîrî kenyu kavinda kanini. Thiîni rîrîa kûrî na ûtheri nîguo mûtikethîrîrue nî nduma, nîûndû mûndû ûrîa ûthiîcaga kûrî na nduma ndamenyaga kûrîa arathiî.

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.

Johana 9:4

Rîrîa kûrî mûthenya nwa nginya twîkare tûkîrutaga wîra wa ûrîa wandûmire. Ûtukû nîûgûkinya rîrîa gûtarî mûndû ûngîvota kûruta wîra.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.

Ciîko 13:27

Andû arîa matûûraga Jerusalemu na atongoria ao matiamenya atî Jesû nîke Mûvonokia. O matiataûkîrwa nî ciugo irîa arathi maandîkire, irîa ithomagwa mîthenya yonthe ya thavatû. Nwatî o nîmaaivingirie vîndî îrîa maaugire atî Jesû aarî na ûcuke.