Luka 13:19 - ÎVUKU RÎA ÛVORO MWARO

¹⁹ Ûthamaki wa Ngai nîûgerekania na mvîndî ya mûtî wa karatarî. Mûndû angîoca mvîndî îo na amîvande mûgûndarî wake, nî îmeraga na îgatuîka mûtî, nacio iconi nîthiîcaga na igatuma ciomba ciacio mvûarî cia mûtî ûcio.”

Luka 13:19 ပူးပေါင်းရင်းမြစ်များ

Rwîmbo rwa Nyîmbo 4:12

Mwendwa wakwa mûviki wakwa we wî mûgûnda mûthithe, mûgûnda mwirigîre, kîthima kîrî na mwene.

Rwîmbo rwa Nyîmbo 4:16

We rûkûngi rwa mwena wa rûgûrû vurutana, we rûkûngi rwa mwena wa îveti ûka. Vurutana mûgûndarî wakwa, mûnungo mwaro wîcûre kûndû kuonthe. Tiga mwendwa wakwa aûke mûgûndarî wake, arîe matunda maguo marîa maro.

Rwîmbo rwa Nyîmbo 6:2

Mwendwa wakwa athiî mûgûndarî wake, kûrîa mînyamû mînungi waro îkûraga. Nîararîthia ng'ondu ciake kuo agîkethaga maûa.

Rwîmbo rwa Nyîmbo 8:13

We mwendwa wakwa tiga mbîgue ûkîmbarîria ûrî mûgûndarî, arata akwa metererete kwîgua mûgambo waku.

Isaia 53:1

“Nû wetîkirie ûvoro ûrîa twegwire? Nû ûguûrîrîtue atî nî Ngai-Mûnene warutaga wîra ûcio?

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Isaia 58:11

Nie Ngai-Mûnene ngaamûtongoragia vîndî cionthe, na nîmûvingagîrie mavata menyu vîndî ya thîna. Ngaamwigaga mûrî na vinya na ûgima mwaro. Mûkaavana ta mûgûnda wî mwîtîrîrie manjî, ta kîthima Kîam manjî kîrîa gîtavûcaga.

Isaia 61:11

Nîûndû wata ûrîa mûthetu ûtûmaga mbegû îmere, na wata ûrîa mûgûnda ûtûmaga kîrîa kîvande kuo gîkûre, ûguo nwaguo Mwathani Ngai-Mûnene agaatûma ûthingu na ûkumio, cionekane ndûrîrîrî cionthe.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Ezek 31:6

Iconi cionthe cia rîerarî, nîciatumire ciomba mvûarî cia mûtî ûcio. Nyamû cionthe cia kîthaka, nîciaciarîre twana rungu rwa mvûa ciaguo. Ndûrîrî cionthe irîa nene ciekaraga rungu rwa kîruru Kîamguo.

Danieli 4:12

Mathangû ma guo maarî mathaka, na warî na matunda meengî ma kwîgana andû onthe a nthî. Nyamû cia kîthaka nîciathiîcaga mwîgunyîrî wa mûtî ûcio, iconi nîciatumaga ciomba mvûarî ciaguo na ciûmbe cionthe ciarîcaga matunda ma mûtî ûcio.

Danieli 4:21

na warî na mathangû mathaka na matunda meengî ma kûrîwa nî andû a nthî yonthe; na rungu rwaguo vaarî na mwîgunyî wa nyamû cia kîthaka, na iconi igatuma ciomba mvûarî ciaguo,

Zakaria 2:11

Îvinda rîu ndûrîrî nyîngî nîigaacokerera Ngai-Mûnene, na nîigaatuîka andû ake, na atûûranie nao. Namue nîmûkaamenya atî nî Ngai-Mûnene mwene vinya wonthe ûndûmîte kûrî mue.

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Maariko 4:30

Jesû nîwacokire akîmaûria atîrî, “Tûngîringithania ûthamaki wa Ngai na ndûî? Nî ngerekano îrîkû tûngîvecana tûgîûtarîrîria?

Luka 17:6

Nake Mwathani nîwamacokerie atîrî, “Angîthîrwa mûrî na wîtîkio wîgana ta mvîndî ya mûtî wa karatarî, nwa mwîre mûkûyû ûyû atîrî, ‘Îîkûûre na wîvande îriarî!’ Naguo nwa ûmwathîkîre.

Ciîko 2:41

Kwoguo andû arîa metîkîîre ndûmîrîri îrîa Petero aamaveere, nîmaavatithirue. Mûthenya ûcio andû ngiri ta ithatû nîmoongererekire gîkundirî Kîam etîkia.

Ciîko 21:20

Rîrîa meegwire ûguo, nîmaakumirie Ngai. Nao nîmaacokire makîra Paûlo atîrî, “Mûrû wa îthe wetû, we nîûrona atî Ayahudi ngiri nyîngî nîmatuîkîte etîkia. Nao onthe nîmarûmagîrîra Watho wa Musa marî na kîîo kîîngî mûno.

Ciîko 4:4

Nwatî andû eengî gatagatîrî ka arîa meegwire ndûmîrîri îo yavunjagua nî Petero na Johana nîmeetîkirie. Nao arûme arîa meetîkirie nîmongererekire magîkinya kîndû ta ngiri ithano.

Aroma 15:19

na njîra ya kûgîa na vinya wa kûringa ciama na gwîka maûndû ma magegania, na na njîra ya vinya ya Roho Mûtheru. Kwoguo kuuma Jerusalemu nthiûrûrûkîte kûndû kuonthe na ngakinya Iluriko ngîvunjagia Ûvoro Mwaro wa Kristû.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”