Luka 13:11 - ÎVUKU RÎA ÛVORO MWARO

¹¹ Nakuo kûu kwarî na mûndûmûka warî na ngoma yatûmîte arware îvinda rîa mîaka îkûmi na înana. Mûndûmûka ûcio aatûûrîte enamîrîrîte na atakûvota kwînamûka.

Luka 13:11 ပူးပေါင်းရင်းမြစ်များ

Ayubu 2:7

Kwoguo Caitani nîwaumire varî Ngai-Mûnene, na nîwatûmire mwîrî wonthe wa Ayubu wîcûrwe nî ironda cietûrûraga mavira.

Thaburi 145:14

Ngai-Mûnene nîatiragîrîra arîa onthe maragwa, na nîaûkagîrîria arîa avinyîrîrie.

Thaburi 146:8

na nîavingûraga ndumumu metho. Nîaûkagîrîria arîa avinyîrîrie, na nîendete arîa athingu.

Thaburi 38:6

Nguamîrîrîtie nginya ngamama nthî; ndindaga ngîcakaya mûthenya mûgima.

Thaburi 42:5

Nîndûî gîtûmîte ngîe na kîeva ûguo ngororî? Nîrathînîka ûguo nîkî? Nîmbiga mwîvoko wakwa kûrî Ngai, na nîngaamûkumia rîngî, ke nîke mûvonokia wakwa na Ngai wakwa.

Thaburi 6:2

Ûûi Ngai-Mûnene, mbîguîra ntha nîûndû nîrî mûthiru vinya! Mbîkîra vinya, nîûndû nîrî mûthiru vinya viû,

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Maariko 9:21

Nake Jesû nîwacokire akîûria îthe wako atîrî, “Kamwana gaka gekarîte ûguo kuuma-rî?” Îthe wa kamwana kau nîwamûcokerie atîrî, “Gekarîte ûguo kuuma rîrîa gaaciarirwe.

Luka 13:12

Rîrîa Jesû oonire mûndûmûka ûcio nîwamwîtire na akîmwîra atîrî, “We mûndûmûka ûyû, nîwavonua!”

Luka 13:16

Mûndûmûka ûyû wa rûciaro rwa Iburahimu arathirîtie mîaka îkûmi na înana ovetwe nî Caitani. Anga tî kwagîrîru mûndûmûka ûyû wa nake avonue mûthenya wa thavatû?”

Luka 21:28

Vîndî îrîa maûndû mama makaambîrîria gwîkîka, mûkaarûngama na mûkîrîrie ciongo cienyu na îgûrû, nîûndû ûvonokio wenyu ûkeethîrwa ûrî vakuvî.”

Luka 8:2

vamwe na aka amwe arîa Jesû aarutûrûrîte maroho macûku kuuma kûrî o na akamavonia mîrimû, nîmaathiîcanirie nake. Aka arîa maarî vo nî; Mariamu (ûrîa wetagwa Mûmagidali) ûrîa warutûrûrîtwe ngoma mûgwanja,

Luka 8:27

Rîrîa Jesû aaumire îtarûrî na agîkinya nthî nyûmû, nîwatûngirwe nî mûndû warî na ngoma wa kuuma îtûûrarî rîu. Mûndû ûcio eekaraga arî njaga na ndaatûûraga mûciî, nwatî aatûûraga kûrîa mbîrîra ciarî.

Luka 8:43

Na gatagatîrî ka andû acio, vaarî na mûndûmûka watûûrîte mîaka îkûmi na îrî auraga nthakame. Mûndûmûka ûcio nîwavûthîrîte indo cionthe ciake kûrîva ndagîtarî arîa maamûthondekaga, nwatî gûtiarî wana ûmwe wavotete kûmûthondeka.

Ciîko 3:2

Na vau mûromorî wa hekarû, ûrîa wetagwa Mûromo Mûthaka, vaarî na mûndû watûûrîte onjete magûrû kuuma gûciarwa gwake. Wa mûthenya wa mûthenya nîwakuuagwa akaigwa vau mûromorî ûcio nîguo avoe mbeca kuuma kûrî andû arîa maatonyaga hekarûrî.

Ciîko 4:22

Mûndû ûcio wavonirue na njîra îo ya kûringîrwa Kîamma aarî na ûkûrû wa makîria ya mîaka mîrongo îna.