Luka 13:1 - ÎVUKU RÎA ÛVORO MWARO

¹ Kavinda wa kau, andû amwe nîmaakinyire na makîra Jesû ûvoro wîgiî andû a Galili arîa Pilato aaûragire vîndî îrîa aamethîrîrie makîrutîra Ngai îgongoona.

Luka 13:1 ပူးပေါင်းရင်းမြစ်များ

Maca 2:20

We Ngai-Mûnene thikîrîria! Kûrî andû engî wanaverithia ûû? Aka mararîa ciana ciao irîa mendete, nao athînjîri-Ngai na arathi maûragagîrwa hekarûrî ya Ngai-Mûnene.

Mathaayo 27:1

Kîraûko tene, anene a athînjîri-Ngai onthe na athuuri nîmaavangire ûrîa makûûragithia Jesû.

Mathaayo 27:2

Nao nîmaamwovire na mvîngû na makîmûvira kûrî Pilato, ûrîa warî mûnene wa thirikari ya Roma.

Ciîko 1:11

Nao arûme acio nîmaamerire atîrî, “Mue andû a Galili, mûrûngamîte mûroretie îgûrû nîkî? Jesû ûcio wauma kûrî mue avirwa îgûrû nîagaacoka rîngî wata ûguo mwona akîthiî îgûrû.”

Ciîko 2:7

Nîmaamakire mûno nginya makiugîrîria atîrî, “Anga aya onthe makwaria ûû tî a Galili!

Ciîko 5:37

Vuva wa ûguo, Judasi ûrîa Mûgalili nîweyumîrie vîndî ya kwîyandîkithia. Wa nake nîwagucîrîrie andû eengî mûno na magîtuîka arûmîrîri ake. Nwatî vîndî îrîa wa nake aaûragirwe, arûmîrîri acio onthe ake nîmaanyaganirie.