Luka 12:59 - ÎVUKU RÎA ÛVORO MWARO

⁵⁹ Nîrakwîra na ma atî, ndûkaauma njeera ûtambîte kûrîva nginya gatururu ka mûthiia ka thendi irîa ûtuîrîrîtwe.”

Luka 12:59 ပူးပေါင်းရင်းမြစ်များ

Mathaayo 18:34

Nake mûthamaki nîwarakarire mûno na akîathana ndungata îo iikue njeera na îverithue nginya rîrîa îkaamûrîva thirî wake wonthe.”

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

Mathaayo 5:26

Nîrakwîra na ma atî, ndûkaauma kûu njeera îo ûtarîvîte nginya gatururu ka mûthiia ka mbeca irîa ûtuîrîrîtwe.

Maariko 12:42

Nake mûndûmûka wa ndigwa mûthîni, nîwarekirie tûtuururu twîrî na mwîgana watuo warî ta kîng'otore kîmwe.

Luka 16:26

Wana twa ûguo wonga, gatagatîrî getû nawe nîvenje mûtaro mûnene mûno, nîguo ûrigîrîrie andû arîa mangîenda gûkîrania maume na gûkû maûkîte kûrî mue na kûrigîrîria arîa mangîenda gûkîrania maume na kûrîa mûrî maûkîte na kûrî tue.’

2Ath 1:3

Ariû na aarî a îthe wetû, nwanginya tûcokagie ngatho kûrî Ngai vîndî cionthe nîûndû wenyu. Tue nîtwagîrîrwe nî gwîka ûguo nîûndû wîtîkio wenyu nîûrakûra mûno, na wendani gatagatîrî kenyu nî ûrongerereka.