Luka 12:45 - ÎVUKU RÎA ÛVORO MWARO

⁴⁵ Nwatî ndungata îo îngîîra atîrî, ‘Mwathi wakwa nîagwîkara kavinda karaca ma agîgaacoka,’ na yambîrîrie kûriva ndungata cia arûme na cia aka irîa irî kuo, na îcoke yambîrîrie kûrîa na kûnyua ndivei nginya îkarîwa,

Luka 12:45 ပူးပေါင်းရင်းမြစ်များ

Ayubu 24:23

Atûmaga arîa aganu mone marî agitîre, nwatî ekaraga aroretie mîthiîre yao.

Isaia 65:6

“Nînduîte kûmaverithia na ngandîka, na ndingîkirîrîria rîngî, nwatî nduîte kûmaverithia

Jeremia 20:2

Pashuri nîwacokire akîriva mûrathi Jeremia, akîmûthaîka na mvîngû, na akîmwiga kîvingorî Kîam mwena wa îgûrû wa Benjamini kûu nyombarî ya Ngai-Mûnene.

Ezek 12:22

“Mûndû, nî nthimo îrîkû îo andû a Isiraeli maragia ûvoro wayo atî, ‘Mîthenya yûkaga na îkavîtûka nwatî cioneki itivingaga?’

Ezek 34:8

Wata ûrîa nie Ngai-Mûnene ndûûraga mwoyo nîramwîra atî nîmwatiganîrie ng'ondu ciakwa na ituîkîte cia kûrîwa nî nyamû cia kîthaka nîûndû itirî na mûrîthi. Arîthi akwa maticaragia ng'ondu irîa ciûrîte, nwatî nîkwa mairîcaga vandû va kûirîthia.

Mathaayo 22:6

Andû acio engî nao maanyitire ndungata icio, magîciîka maûndû ma ûûra nthoni na magîciûraga.

Luka 12:44

Nîramwîra na ma atî mwene mûciî nî akaava ndungata îo wîra wa kûrûngamîrîra indo cionthe ciake.

Luka 12:46

mwathi wa ndungata îo agaacoka amiumîrîre mûthenya ûmwe ûrîa îtamwîrîgîrîrîte na îthaarî rîrîa yo îtaicî. Mwathi wa ndungata îo nîagaacoka amîverithie mûno na amîngate îthiî îgekaranie na andû arîa matetîkîtie.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Johana 2:10

na akîmwîra atîrî, “Mûndû wa wonthe ambaga kûraîra ageni ndivei îrîa mbaro, na manyua megania nîacokaga akamaraîra ndivei îrîa îtarî mbaro mûno. Nwatî we ûrambîte kwiga ndivei îrîa mbaro nginya rîu!”

Ciîko 2:18

Îni, nginya kûrî ndungata ciakwa cia arûme na cia aka, nîngaairekeria Roho wakwa mîthenyarî îo, nacio nîikaanîrîra ndûmîrîri yakwa.

Aroma 16:18

Nîûndû andû arîa mekaga maûndû ta mau matungatagîra mavu mao, nwatî tî Mwathani wetû Jesû Kristû. Na njîra ya ciugo ciao mbaro na mîario yao îrî na mûrîo, andû acio nîmaveenagîrîria andû arîa marî ngoro mvûthû.

2Akor 11:20

Mue nîmûkiragîrîria mûndû wa wonthe ûrîa ûmwathaga ta mûrî ngombo, kana ûmûvûthagîra naaî, kana ûmûveenagîrîria. Wana nîmûkiragîrîria mûndû ûrîa wîciragia atî nî mwaro kûmûkîra na ûrîa ûmûcamûraga rûvî.

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

1Ath 5:7

Nîûndû ûtukû nîrîo andû mamamaga, ûtukû nîrîo andû manyunyaga njovi makarîwa.

2Pet 2:13

Kwoguo nîmakaathînua nîûndû nîmatûmîte andû eengî mathînîke. Ûndû ûrîa ûmakenagia nî gwîka maûndû marîa makenagia mîîrî yao mûthenya cararûkû. Nîmatûmaga mûconoke na mûcambe rîrîa maûka marugarî menyu. Vîndî îo yonthe mûrî nao methagîrwa magîkenera mîtugo yao mîcûku.

2Pet 2:19

Nîmameragîra wîyathi, nwatî o ene methagîrwa marî ngombo cia mîtugo îrîa îcûkangagia. Nîûndû mûndû ethagîrwa arî ngombo ya kîndû kîrîa kîmûkîragia ûvoti.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Kûguû 18:24

Ngai nîwaverithirie Babuloni nîûndû nthakame ya arathi, na andû a Ngai na arîa onthe manaûragwa nthî, yonekire îtûûrarî rîu înene.