Luka 12:4 - ÎVUKU RÎA ÛVORO MWARO

⁴ “Arata akwa nîramwîra atîrî: mûtigetigîre andû arîa maûragaga mwîrî na marîkia gwîka ûguo, matirî na ûndû wîngî mangîvota gwîka.

Luka 12:4 ပူးပေါင်းရင်းမြစ်များ

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Rwîmbo rwa Nyîmbo 5:16

Ciugo ciake irî mûrîo, ngenagua nî maûndû make monthe. Mue aka a Jerusalemu, ûguo nîguo mwendwa wakwa ekariî.

Isaia 41:8

“Nwatî we, Isiraeli ndungata yakwa, we Jakovu ûrîa nie nthurîte, we rûciaro rwa Iburahimu mûrata wakwa.

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Jeremia 1:8

Ndûkametigîre nîûndû ngethagîrwa nîrî vamwe nawe nîguo ngûgitagîre, ûguo nîguo Ngai-Mûnene augîte.”

Jeremia 41:18

nîûndû nîmetigagîra Akalidei kuuma vîndî îrîa Ishumaeli mûvîcî wa Nethania aaûragire Gedalia mûvîcî wa Ahikamu ûrîa wathuurîtwe atuîke mûnene wa vûrûri ûcio.

Ezek 2:6

“Nwatî we mûndû ndûkametigîre kana wîtigîre mîario yao. Wana wathiûrûrûkîrua cong'e na mîgua, kana wîkarîre tûng'aurû, ndûkamakue nî mîario yao kana wîtigîre irethiû ciao, nîûndû o aremi.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Johana 15:13

Wendo ûrîa mûnene mûndû angîonania nî kûruta mwoyo wake nîûndû wa arata ake.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Ciîko 4:13

Nao athuuri a Kîamma nîmaamakire moona ûrîa Petero na Johana maaûmîrîrîtie. Nîmaamenyire atî o maarî andû mataarî ngûrani na andû arîa engî na matiarî athomu. Kwoguo nîmaamenyire atî Petero na Johana nîmaatûûranîtie na Jesû.

Afil 1:28

Mûtigetigîre nthû cienyu. Îthagîrwani mûrî na ûmîrîru vingo cionthe. Mweka ûguo nîmûkwonia nthû cienyu atî itikaavootana, nwatî nîmûkaavootana nîûndû Ngai nîke ûtûmaga mûvootane.

Jakuvu 2:23

Namo mandîko matheru nîmaavingirue marîa maugîte atîrî, “Iburahimu nîwetîkirie Ngai, na nîûndû wa wîtîkio wake, Ngai nîwamûtwire mûthingu.” Kwoguo Iburahimu nîwetirwe mûrata wa Ngai.

1Pet 3:14

Nwatî wana mûngîthînîka nîûndû wa gwîka ûrîa kwagîrîrîte, mûrî arathime. Mûtigetigîre mûndû kana mûtangîke.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.