Luka 12:33 - ÎVUKU RÎA ÛVORO MWARO

³³ Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Luka 12:33 ပူးပေါင်းရင်းမြစ်များ

Nthi 13:7

Andû amwe metucaga itonga, nwatî matirî kîndû. Engî metucaga athîni, nwatî marî ûtonga mwîngî.

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Mathaayo 19:21

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

Luka 12:21

“Ûguo nwa ta guo gwîkaraga vîndî îrîa mûndû eigîra mûthithû ûrîa ûtarî wa ndûmîrîri ya Ngai.”

Luka 16:9

Jesû nîwathiîre na mbere kwaria na akiuga atîrî, “Tûmîrani ûtonga wa gûkû nthî mûkîthondeka arata, nîguo rîrîa ûtonga wenyu ûkaathira, Ngai akamûgwata ûgeni mûciîrî wa tene na tene.

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Johana 12:6

Nwatî Judasi ndaauga ûguo nîûndû atî wa kûrîrîra athîni, nwatî aaugire ûguo nîûndû aarî mwîi. Ke nîke wakuuaga kathandûkû ka mbeca na nîwaîaga mbeca kuuma kathandûkûrî kau.

Ciîko 2:45

Mavinda na mavinda etîkia nîmeendagia ithaka wana indo ciao na makagaania mbeca icio kûringana na ûrîa wa mûndû aavataraga.

2Akor 8:2

Nîmaavîtûkîrîrîte mageriorî marito na mathînarî meengî. Nwatî wana ethîrwa maarî athîni mûno, gîkeno Kîamo Kîamrî kîngî nîûndû nîmaavecanire na ûtaana.