Luka 12:31 - ÎVUKU RÎA ÛVORO MWARO

³¹ Vandû va ûguo, cariani Ûthamaki wake, nake nîakaamûva maûndû mama monthe.”

Luka 12:31 ပူးပေါင်းရင်းမြစ်များ

Thaburi 34:9

Kumiani Ngai-Mûnene, mue andû ake onthe; arîa mamwathîkagîra gûtirî kîndû maturaga.

Thaburi 37:19

Matikaathîna mavinda ma thîna; nîmakethîrwa marî na irio cia kwîgana vîndî ya yûra.

Thaburi 37:25

Vîndî îmwe naarî mwîthî, na rîu nîrî mûkûrû, nwatî ndianona andû arîa athingu matiganîrîtue nî Ngai-Mûnene kana mona ciana ciao ikîvoya irio.

Thaburi 37:3

Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Isaia 33:16

Mûndû wa mûthemba ûcio atûûraga îgûrû; vandû vake va ûgitîri vakethagîrwa vatumîtwe na nthingo cia vinya. Ndagaatura irio cia kûrîa, kana manjî ma kûnyua.

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Luka 10:42

nwatî ûndû ûmwe tu nîguo ûravatarîka. Mariamu nîwethuurîra ûndû ûrîa wagîrîrîte na ke tî acunwa guo.”

Luka 12:30

(Nîûndû wana andû onthe a nthî îno arîa matetîkîtie matangîkaga magîcaria maûndû mau. Ngai îthe wenyu nî wîcî nîmûvatarîte maûndû mau.)

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”