Luka 12:30 - ÎVUKU RÎA ÛVORO MWARO

³⁰ (Nîûndû wana andû onthe a nthî îno arîa matetîkîtie matangîkaga magîcaria maûndû mau. Ngai îthe wenyu nî wîcî nîmûvatarîte maûndû mau.)

Luka 12:30 ပူးပေါင်းရင်းမြစ်များ

Mathaayo 10:20

Nîûndû ciugo irîa mûkaaria itikeethîrwa irî cienyu, ikeethîrwa ciumanîte na Roho wa Îthe wenyu, ûrîa ûkeethîrwa akîaria na njîra yenyu.

Mathaayo 18:14

Na njîra wata îo, îthe wenyu ûrîa wî îgûrû ndendaga kamwe ga twana tûtû tûnini tûûra.

Mathaayo 5:47

Na ethîrwa mwaragîria tu wa arata enyu, anga kûrî na ûndû mweka ûtekagwa nî andû arîa engî? Wana andû arîa matetîkîtie Ngai nîmekaga wa guo.

Mathaayo 6:1

“Îîmenyagîrîreni rîrîa mûgwîka ciîko cienyu cia ûthingu mbere ya andû atî nîguo o moone ûrîa mûreka. Mûngîka ûguo mbere ya andû, gûtirî kîveo mûkaavewa nî Îthe wenyu ûrîa wî îgûrû.

Mathaayo 6:32

(Maûndû mama monthe nîmo andû arîa matetîkîtie Ngai macaragia.) Îthe wenyu ûrîa wî îgûrû nîwîcî atî nîmûvatarîte maûndû mama monthe.

Mathaayo 6:8

Mue mûtigatuîke tao nîûndû Îthe wenyu nîethagîrwa ecî kîrîa mûvatarîte wana mbere ya mûmwîtie.

Luka 12:29

“Kwoguo mûtigatangîke mûkîûria kîrîa mûkaarîa na mûkaanyua.

Luka 12:31

Vandû va ûguo, cariani Ûthamaki wake, nake nîakaamûva maûndû mama monthe.”

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

Aefeso 4:17

Na rîîtwa rîa Mwathani nîramûkaania mûtikathiî na mbere gwîkara ta andû a Ndûrîrî. Meciria mao nî ma mana.

1Ath 4:5

na ndagîrîrwe nî kwîthîrwa na merirîria macûku ta andû arîa matecî Ngai.