Luka 12:20 - ÎVUKU RÎA ÛVORO MWARO

²⁰ Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

Luka 12:20 ပူးပေါင်းရင်းမြစ်များ

Esita 5:11

Hamani nîwamataarîrie arî na mwîtîîo ûvoro wa ûtonga wake, mwîgana wa ciana ciake wana ûrîa aaveetwe ngathî nene nî mûthamaki kûrî anene arîa engî wana gûkîra ndungata cia mûthamaki.

Ayubu 27:8

Mûndû ûrîa ûtaicî Ngai ethagîrwa na kîîrîgîrîro kîrîkû rîrîa Ngai amûtiganîria, rîrîa Ngai ooca mwoyo wake?

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Thaburi 49:10

Mûndû wa wonthe nîaicî atî wana andû arîa aûgî nî makucaga, mûndû mûritu wana kîrimû nîmakucaga. Onthe matigagîra andû arîa engî ûtonga wao.

Thaburi 73:19

Macûkangagua wa rîmwe; mathiragua nî imaûndû cia kûmakania.

Thaburi 78:30

Nwatî wana mbere ya marîa irio mavaa, wa makîrîcaga,

Nthi 10:2

Gûtonga na njîra îtagîrîrîte gûtigunaga mûndû, nwatî ûthingu nîûvonokagia mûndû kuuma kûrî gîkuû.

Nthi 11:4

Ûtonga ndûgunaga mûndû mûthenya wa îtuîro, mwatî ûthingu nîûvonokagia mûndû kuuma kûrî gîkuû.

Nthi 13:7

Andû amwe metucaga itonga, nwatî matirî kîndû. Engî metucaga athîni, nwatî marî ûtonga mwîngî.

Nthi 27:1

Ndûgetîîe nîûndû wa ûrîa ûgeeka rûyû, nîûndû ndwîcî gûkethîrwa gwîkariî atîa.

Nthi 28:8

Mûndû ûrîa wongagîrîra ûtonga wake na njîra ya gwîtia maciaro, ûtonga ûcio wake ûthiîcaga na ûrîa ûrî ntha na andû arîa athîni.

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Jeremia 17:11

Mûndû ûrîa ûgîcaga na ûtonga na njîra îtagîrîrîte, ekariî ta gîconi kîrîa kîgumbagîra matumbî gîtaciarîte, gatagatî ga ûkûrû wake ûtonga ûcio nîûkaathira, na mûthiiarî akethîrwa arî kîrimû.

Amosi 6:13

Mwîtîîaga nîûndû wa kûnyita îtûûra rîa Lodebari, mugaga atî, “Na vinya wetû nîtwînyitîrîte îtûûra rîa Karinaimu.”

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.

Luka 11:40

Mue irimû ino! Na kinthî Ngai ûrîa waûmbire mwena wa îgûrû wa gîkombe na wa thaani twake waûmbire mwena wa ndarî?

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

1Tim 6:7

Gûtirî kîndû twaretire gûkû nthî na gûtirî kîndû tûkaaruta gûkû nthî.

Jakuvu 4:14

Nwatî mûtiîcî ûrîa gûgaatuîka rûyû. Mwoyo wenyu wîkariî ta nundu. Mwavota kûmîona gwa kavinda kanini, nwatî îgacoka îkathiî.