Luka 12:19 - ÎVUKU RÎA ÛVORO MWARO

¹⁹ Na nîngûcoka nîîre atî nie nîrî na mûnyaka. Nîrî na indo nyîngî cia kûmbîgana mîaka mîîngî. Rîu nîmbîkara nthî nîguo ndîe na nyue ngenete!’

Luka 12:19 ပူးပေါင်းရင်းမြစ်များ

Ayubu 14:1

“Mûndû ûrîa ûciarîtwe nî mûndûmûka, atûûraga mîthenya mînini, na îcûrîtwe nî mathîna.

Thaburi 49:18

Wana ethîrwa arî mwîganîre ûtûûrorî, na nîakumagua nîûndû maûndû make nî marathiî waro,

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Nthi 10:2

Gûtonga na njîra îtagîrîrîte gûtigunaga mûndû, nwatî ûthingu nîûvonokagia mûndû kuuma kûrî gîkuû.

Nthi 14:24

Andû arîa aûgî nîmavecagwa ûtonga, nwatî andû arîa irimû mamenyekaga nî ûrimû wao.

Nthi 18:11

Itonga ciîciragia atî igitagîrwa nî ûtonga wa cio, ta nthingo ndaca cia vinya ithiûrûrûkîrîtie îtûûra.

Nthi 23:5

Ûtonga ûthiraga ta kûminjia na kûminjûkia, takwa wagîa na mathagu wa rîmwe ûkînagûrûka ta nderi.

Nthi 27:1

Ndûgetîîe nîûndû wa ûrîa ûgeeka rûyû, nîûndû ndwîcî gûkethîrwa gwîkariî atîa.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Mûvunjia 2:24

Ûndû ûrîa mwaro mûno mûndû angîka ûtûûrorî wake nî kûrîa, kûnyua na gûkenerera wîra wake. Nînaamenyire atî wana ûndû ûyû uumaga kûrî Ngai.

Isaia 22:13

Vandû va ûguo, mwakenire na mûgîkûngûîra, nîmwathînjire ndegwa na ng'ondu, mûkîrîa nyama na mûkînyua ndivei. Nîmwaugire atîrî, “Tiga tûrîe na tûnyue, nîûndû rûyû nîtûgaakua.”

Isaia 5:11

Kaî marî na thîna-î! Arîa maramûkaga kîraûko tene, nîguo mathiî makanyue ndivei; arîa matukagîrwa makînyua ndivei, nginya rîrîa makaarîwa nîyo.

Isaia 5:8

Mue nyomba na mîgûnda kaî mûrî na thîna-î, mwongagîrîra mîgûnda kûrî îrîa mûgûrîte, nginya rîrîa gûkethîrwa gûtarî na vandû mûndû wîngî angîtûûra, na mûgatûûra mûrî muenga.

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Hosea 12:8

Efiraimu etîîaga akiugaga atîrî: “Nie nî mûtongu! Nînîcarîrîtie ûtonga mwîngî mûno! Gûtirî mûndû ûngiuga atî nagîre ûtonga ûyû na njîra ya maveeni, nie ndianaîa!”

Amosi 6:13

Mwîtîîaga nîûndû wa kûnyita îtûûra rîa Lodebari, mugaga atî, “Na vinya wetû nîtwînyitîrîte îtûûra rîa Karinaimu.”

Habakuku 1:16

Nîmagoocaga neti ciao na makairutîra magongoona, nîûndû nîcio imavecaga indo cia gwîkenia, na kûrîa irio mbaro.

Luka 12:18

Mûndû ûcio nîwacokire akîîra atîrî, ‘Nie nîntharia makûmbî makwa na njoke ndume mengî manenanene kûrîa ngwiga irio cionthe ciakwa wa vamwe na indo irîa ciîngî ciakwa.

Luka 16:19

“Vîndî îmwe kwarî na mûndû warî mûtongu mûno na wekagîra nguo cia goro cia rangi ya njambarawe. Nake mûndû ûcio atûûraga na mîkarîre ya goro mûno mîthenya yonthe.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

1Akor 15:32

Ethîrwa naatongoretue nî merirîria ma kîûmûndû vîndî îrîa naarûaga na nyamû cia kîthaka kûu Efeso naagunîkire atîa? Nwatî ethîrwa akuû matikaariûkua, “Tigani tûrîe na tûnyue nîûndû rûyû nîtûgaakua.”

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

1Tim 5:6

Nwatî mûndûmûka wa ndigwa ûrîa ûtûûraga ekenagia na maûndû marîa eriragîria, nî mûkuû wana ethîrwa onekaga arî mwoyo.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

2Tim 3:4

nîmagaatuîka acukanîrîri, arûgîrîri na etîi mûno. Nîmagaatuîka andû a kwenda maûndû marîa macûku vandû va kwenda maûndû marîa maro.

Jakuvu 5:5

Mûtûûrîre wenyu gûkû nthî wîthîrîtwe wîcûrîtwe nî mîago na ikeno. Mwînoretie ta ndegwa yetererete mûthenya wa kûthînjwa.

1Pet 4:3

Mavinda mavîtûku mwîthîrîtwe mûgîka maûndû marîa andû arîa matetîkîtie Ngai meriragîria gwîka. Mûtûûrîte mûgîkaga maûndû ma ûra nthoni, mûrî na merirîria macûku, ûrîu, marugarî marîa matagîrîrîte ma waganu na mûgîkaga maûndû marî na nthoni ma kûgooca mîvuanano.

Kûguû 18:7

Mûve mathîna meengî na kîeva ciîgana ta riiri na ikeno irîa ke eeveere. Ke eeîraga atîrî, ‘Nie nî mûndûmûka mûthamaki! Nie ndirî mûndûmûka wa ndigwa, na ndikethîrwa na kîeva!’

1Sam 30:16

Nake nîwavirire Daudi kûrîa gîkundi kîu Kîamrî. Nao athigari acio a Amaleki maanyagarûkîte kûu kuonthe, makîrîcaga, makînyunyaga na makinaga, nîûndû indo irîa maatavîte kuuma vûrûrirî wa Afilisiti na wa Juda ciarî nyîngî mûno.