Luka 12:1 - ÎVUKU RÎA ÛVORO MWARO

¹ Vîndî wa îo, rîrîa andû ngiri nyîngî maagomanîte nginya makambîrîria gûkinyangana magûrû, Jesû nîwambire kwarîria arutwa ake akîmeera atîrî, “Îîmenyagîrîreni kuumana na ûvinga wa Afarisai ûrîa wîkariî ta ndawa ya kwimbia mîgate.

Luka 12:1 ပူးပေါင်းရင်းမြစ်များ

2Atha 7:17

Mûthamaki wa Isiraeli nîwaigîte mûthigari ûrîa wamûtethagîrîria, arî mûrangîri wa kîvingo. Mûthigari ûcio nîwakinyangirwe nî andû na agîkua, wata ûrîa Elisha erîte mûthamaki rîrîa mûthamaki aathiîte kûrî ke.

Ayubu 20:5

atî ûcamba wa mûndû mwaganu nîwa kavunda kanini, na gîkeno Kîam mûndû ûtaicî Ngai kîthiraga narua.

Ayubu 27:8

Mûndû ûrîa ûtaicî Ngai ethagîrwa na kîîrîgîrîro kîrîkû rîrîa Ngai amûtiganîria, rîrîa Ngai ooca mwoyo wake?

Ayubu 36:13

“Andû arîa matarî na ûngai, mendaga kûrakara, wana rîrîa makûverithua o mativoyaga ûtethio.

Isaia 33:14

Andû evia arîa marî Zayuni nîmaretigîra, nao andû arîa matagoocaga Ngai marainaina makiugaga atîrî: “Nû gatagatîrî getû ûngîvota gûkuvîvîria mwaki ûyû ûvîvagia ûkathiria? Nû gatagatîrî getû ûngîtirîria mwaki ûyû ûtavoraga tene na tene?”

Luka 11:44

Na kaî mue mûrî na thîna-î! Nîûndû mue mwîkariî ta mbîrîra irîa itarî na rûûri na irîa andû makinyangaga matakûmenya.”

Luka 12:56

Mue mvinga ino! Nwa mûrorie nthî na îgûrû na mûgataûra ûrîa gûgwîkara. Nîndûî vi kîratûma mûrigwe nî vata wa mavinda mama?

Luka 5:1

Mûthenya ûmwe, Jesû nîwarûngamîte rûtererî rwa îria rîa Genesareti. Nao andû nîmaamûvatîkîte makîenda kwîgua ndûmîrîri ya Ngai.

Luka 5:15

Nayo Ngumo ya Jesû nîyatambire vûrûrirî wonthe na andû eengî makîgomana nîguo mamûthikîrîrie na mavonue mîrimû yao.

Luka 6:17

Vîndî îrîa Jesû aanyûrûrûkire aumîte kîrîmarî arî vamwe na atûmwa ake, nîwarûngamire vandû varaganu arî vamwe na gîkundi kînene mûno Kîam arutwa ake. Nao andû eengî mûno arîa maaumîte matûûrarî ma Judea, Jerusalemu na nginya matûûrarî ma Turo na Sidoni marîa maarî ndeererî cia îria, nîmaathiîre kûrî Jesû nîguo mamûthikîrîrie na mavonue mîrimû yao.

Ciîko 21:20

Rîrîa meegwire ûguo, nîmaakumirie Ngai. Nao nîmaacokire makîra Paûlo atîrî, “Mûrû wa îthe wetû, we nîûrona atî Ayahudi ngiri nyîngî nîmatuîkîte etîkia. Nao onthe nîmarûmagîrîra Watho wa Musa marî na kîîo kîîngî mûno.

1Akor 15:3

Ûvoro wa mbere na wa vata mûno ûrîa namûkinyîrie na ûrîa wa nanie naamûkîre nî atî: Kristû nîwakwire nîûndû wa mevia metû, wata ûrîa kwandîkîtwe Mandîkorî Matheru.

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Jakuvu 3:17

Nwatî mbere ya maûndû monthe, ûûgî ûrîa uumaga îgûrû nî mûtheru, nî wa thayû, ûvoreri na wendani. Ûûgî ûcio wîcûrîtwe nî ntha na nîûciaraga maciaro ma ciîko mbaro, ndûrî kîmenyano na ndûrî ûvinga.

1Pet 2:1

Îîyaûreni maûndû monthe macûku, maveeni monthe, ûvinga wonthe, rwetho ruonthe na ciugo cionthe cia gûcambania.