Luka 11:8 - ÎVUKU RÎA ÛVORO MWARO

⁸ Nie nîramwîra nama atî wana angîthîrwa mûrata ûcio ndangîûkîra na amûnengere mîgate îo nîûndû atî ke nî mûrata wake, nwatî ke nwa aûkîre na akamûva kîndû kîrîa kîonthe avatarîte nîûndû wa gûtinda akîmûvoya.”

Luka 11:8 ပူးပေါင်းရင်းမြစ်များ

Kîam 32:26

Nake mûndû ûcio nîwerire Jakovu atîrî, “Tiga nthiî nîûndû kûthiîte gûkîa.” Nake Jakovu nîwamûcokerie atîrî, “Ndingîkûrekereria ûthiî ûtandathimîte.”

Luka 11:7

Na mûrata ûcio wake arî nyomba ndaarî amûcokerie atîrî, ‘We tiga kûnthînia! Mûrango nîmûvinge, na nie vamwe na ciana ciakwa tûrî ûrîrî tûmamîte. Kwoguo gûtirî kîndû nîngîûkîra gûkûva.’

Aroma 15:30

Ariû na aarî a îthe wetû, nîûndû wa Mwathani wetû Jesû Kristû na nîûndû wa wendo ûrîa tûvetwe nî Roho Mûtheru, nîramûthaitha mûnyitanîre nanie kûvoya Ngai na kîîo nîûndû wakwa.

2Akor 12:8

Nînavoire Mwathani maita mathatû ûvororî wîgiî ûndû ûyû na nînaamûririe aûrute ume kûrî nie.

Akol 2:1

Nie nîrenda mûmenye ûrîa ndutîte wîra mûmû nîûndû wenyu na nîûndû wa andû a îtûûra rîa Laodikia na nîûndû wa andû arîa engî onthe mataanamona.

Akol 4:12

Epafara ûrîa umîte kûu kwenyu nîwamûkethia. Ke nî ndungata ya Jesû Kristû na nîamûvoyagîra mûno vîndî cionthe, atî mwîkarage mûrî agima na mûtarî na nganja wîtîkiorî wenyu na mûkîathîkagîra wendi wa Ngai.

Atir 14:17

Mûka wa Samusoni nîwarîrire mîthenya îo mûgwanja ya kîrugo kîu nîguo Samusoni amûtaûrîre ndaî îo. Nwatî mûthenya wa mûgwanja Samusoni nîwerire mûka ûrîa ndaî îo yaugaga nîûndû nîwamûthînagia mûno. Nake mûka wa Samusoni nîwacokire akîra Afilisiti acio.

1Sam 1:12

Hana nîwathiîre na mbere kûvoya Ngai-Mûnene îvinda îraca, nake Eli nîwaroretie mîromo ya Hana.