Luka 11:7 - ÎVUKU RÎA ÛVORO MWARO

⁷ Na mûrata ûcio wake arî nyomba ndaarî amûcokerie atîrî, ‘We tiga kûnthînia! Mûrango nîmûvinge, na nie vamwe na ciana ciakwa tûrî ûrîrî tûmamîte. Kwoguo gûtirî kîndû nîngîûkîra gûkûva.’

Luka 11:7 ပူးပေါင်းရင်းမြစ်များ

Rwîmbo rwa Nyîmbo 5:3

Nie nîrî mûrutu nguo; nîngîîkîra nguo rîngî atîa? Nîrî mwîthambiu magûrû; nîngîmavaka gîko rîngî atîa?

Mathaayo 25:10

Nao erîtu acio maarî aritu nîmaavinyûrire ndukarî kûgûra maguta. Rîrîa maathiîre kûgûra maguta, mûvikania nîwakinyire. Nao erîtu acio maarî aûgî nîmaatonyire vamwe na mûvikania kîrugorî Kîam ûviki, naguo mûrango ûkîvingwa.

Luka 11:6

nie nîrî na mûrata wararîrîra gwakwa na ndirî na kîndû gîa kûmûraîra!’

Luka 11:8

Nie nîramwîra nama atî wana angîthîrwa mûrata ûcio ndangîûkîra na amûnengere mîgate îo nîûndû atî ke nî mûrata wake, nwatî ke nwa aûkîre na akamûva kîndû kîrîa kîonthe avatarîte nîûndû wa gûtinda akîmûvoya.”

Luka 13:25

Kavinda nîgagaakinya karîa mwene nyomba agaaûkîra na avinge mûrango. Namue nîmûgaacoka mûke na mwambîrîrie kûringaringa mûrango mûkiugaga atîrî, ‘Mwathani! Tûvingûrîre.’ Nake Mwathani nîakaamûcokeria atîrî, ‘Nie ndiîcî mumîte na kû!’

Luka 7:6

Kwoguo Jesû nîwathiîre vamwe na athuuri acio. Na vîndî îrîa aakinyire vakuvî na mûciî, mûnene ûcio nîwatûmire arata ake mathiî kûrî Jesû makamwîre atîrî, “Mwathani tiga kwîthînia nîûndû nie ndirî mwagîrîru wa gûkûnyita ûgeni gwakwa mûciî.

Agal 6:17

Ngîrîkia, mûndû wana ûrîkû ndakanthînie nîûndû irema irîa nîrî nacio mwîrîrî cionanagia atî nie nîrî ngombo ya Kristû.