Luka 11:45 - ÎVUKU RÎA ÛVORO MWARO

⁴⁵ Nake mwarimû ûmwe wa watho nîwerire Jesû atîrî, “Mwarimû, vîndî îrîa ûkuga ûguo, wa natue nî ûratûruma!”

Luka 11:45 ပူးပေါင်းရင်းမြစ်များ

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

Jeremia 20:8

Nîûndû rîrîa ngwaria ûndû nîkwa ndetaga, na ngaugîrîria atî: “Mbaara na gûcûkangia!” Nîûndû kiugo Kîam Ngai-Mûnene kûrî nie gîtuîkîte gîa kûmenereria na kûnyararithia mûthenya wonthe.

Jeremia 6:10

Nîngîaria na û nîguo nîmakaanie mambîgue? Taroria nîmavingîte matû mao nîguo matikegue, kiugo Kîam Ngai-Mûnene kûrî o nî kîndû gîa kûnyararwa, matikenagua nî kîo.

Mathaayo 22:35

Na mûndû ûmwe gatagatîrî kao warî mwarimû wa Watho nîwageririe kûmûtega na akîmûria atîrî,

Luka 11:46

Nwatî Jesû nîwacokirie atîrî, “Na kaî wa namue arimû a watho mûrî na thîna-î! Nîûndû mue mwaîkaga andû mîrigo mîrito, nwatî mûkarega kûmîvutia wa naaî na Kîamra kîmwe kîenyu mûkîmatethia kûmîkuua.

Luka 11:52

“Na kaî mue arimû a watho mûrî na thîna-î! Nîûndû mue mûrî aigu cavi îrîa îrugûraga mûrango wa gûtonya nyombarî îrîa andû magîcagîra ûmenyo. Mue mûtirî atonyu nyombarî îo na nwakwa mûragirîrîria andû arîa marenda gûtonya!”

Luka 7:30

Nwatî Afarisai na arimû a Watho nîmaaregire gwîtîkia atî njîra cia Ngai nî nûngarû vîndî îrîa o maaregire kûvatithua nî Johana.

Johana 7:48

Mwanegua mûtongoria wana ûmwe wana kana Mûfarisai wîtîkîtie Jesû?

Johana 7:7

Andû a nthî matingîmûmena, nwatî nie nîmamenete nîûndû nînîmeraga atî nîmekaga maûndû macûku.

Johana 9:40

Nao Afarisai amwe arîa maarî vakuvî nake nîmegwire akiuga ûguo na makîmûria atîrî, “Nîkwa ûrenda kuga atî wa natue tûrî atumumu?”