Luka 11:40 - ÎVUKU RÎA ÛVORO MWARO

⁴⁰ Mue irimû ino! Na kinthî Ngai ûrîa waûmbire mwena wa îgûrû wa gîkombe na wa thaani twake waûmbire mwena wa ndarî?

Luka 11:40 ပူးပေါင်းရင်းမြစ်များ

Kîam 1:26

Ngai nîwacokire akiuga atîrî, “Nîtûmbeni mûndû ûvanene natue na wîkariî tatue. Nake akaathaga nthamaki, iconi, na nyamû cionthe irîa ciîkaraga mîciî na cia kîthaka nini na nene.”

Kîam 2:7

Nake Ngai-Mûnene, Ngai nîwocire mûthetu na akîûmba mûndû naguo. Nîwacokire akîmûveverera mîruke ya mwoyo maniûrûrî, na mûndû ûcio agîtuîka kîûmbe kîrî mwoyo.

Thaburi 14:1

Irimû ciîîraga na ngoro atîrî, “Gûtirî Ngai!” Onthe marî mîtugo mîcûku, na nîmekîte maûndû macûku mûno, gûtirî wanarî ûmwe wîkaga ûndû mwagîrîru.

Thaburi 33:15

Nîke ûmbîte ngoro ciao onthe, na nîaicî maûndû monthe marîa mekaga.

Nthi 1:22

“Mue irimû ino! Mûrenda gwîkara mûrî irimû nginya rî? Mûrenda gwîkara mûkînyararaga ûmenyo, mûkaamenya maûndû rî?

Nthi 8:5

Mue arîa mûtarî aûgî, gîani na ûmenyo, mue andû arîa aritu, îîthomithieni kûgîa na ûmenyo.

Jeremia 5:21

Thikîrîriani mue irimû na andû aritu, mûrî na metho, nwatî mûtionaga, mûrî na matû, nwatî mûtiîgucaga.

Zakaria 12:1

Îno nî ndûmîrîri ndito îgiî Isiraeli kuuma kûrî Ngai-Mûnene ûrîa waûmbire îgûrû, na akîûmba nthî na akîva mûndû mwoyo. Ke arauga atîrî,

Ndari 16:22

Nwatî Musa na Aroni nîmaaturumithirie mothiû mao nthî na makiuga atîrî, “We Ngai, nîwe kiumo gîa ûtûûro wa andû onthe. Mûndû ûmwe angîkûvîtîria ûrakaragua nî andû onthe?”

Mathaayo 23:17

Mue irimû ino ndumumu! Nî ndûî kîrî vata makîria; nî thaavu kana nî hekarû îrîa îtûmaga thaavu îo îtuîke nyamûre?

Mathaayo 23:26

Mue Afarisai aya atumumu! Ambani mûthambie gîko kîrîa kîrî ndaarî ya gîkombe, nakuo kûu nja nîgûkwîthîrwa gwî kûtheru wana kuo.

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

Luka 24:25

Nake Jesû nîwacokirie atîrî, “Mue irimû ino mûtaviûvaga gwîtîkia na ngoro cienyu maûndû monthe marîa maarirue nî arathi!

1Akor 15:36

We kîrimû gîkî! Vîndî îrîa wavanda mbegû nwa nginya îkue mbere ya kûmera.

Ahib 12:9

Methe metû ma gûkû nthî nîmaatûverithirie na tûkîmava gîtîîo. Kwoguo nîtwagîrîrwe kwathîkîra Vava wa kîîroho mûno makîria nîguo tûtûûre!