Luka 11:39 - ÎVUKU RÎA ÛVORO MWARO

³⁹ Jesû nîwamwîrire atîrî, “Mue Afarisai aya! Mûthambagia ikombe na thaani cienyu îgûrû, nwatî ngororî cienyu mwîcûrîtwe nî ûkoroku na waganu.

Luka 11:39 ပူးပေါင်းရင်းမြစ်များ

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

2Maû 25:2

Amazia nîwekire maûndû marîa maakenagia Ngai-Mûnene, nwatî ndaamekaga na ngoro yonthe.

Thaburi 22:13

Ciathamîtie tûnyua twao ta mînyambû, ciîvarîrîtie kûntharîkîra na kûndambururanga.

Nthi 26:23

Ciugo mbaro ciarîtue nî mûndû ûtarî mwîvokeku, nîta ta sîlûva îvakîtwe nyûngûrî ya yûmba.

Nthi 26:25

Rîrîa mvinga îkwaria waro, ndûkamîtîkie, nîûndû îthagîrwa îcûrîtwe nî ûvinga ngororî yayo.

Nthi 30:12

Kûrî andû meyonaga marî atheru nwatî methagîrwa matarî atheru.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Mathaayo 15:19

Nîûndû ngororî nîkuo kuumaga meciria macûku, ma ûragani, ûmaraa, ûtharia, wîi, ûthaani na kûruma arîa engî.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Luka 16:15

Nake Jesû nîwamerire atîrî, “Mue mwendaga gwîtua ûrîa mûrî aro methorî ma andû, nwatî Ngai nîwîcî ngoro cienyu. Nîûndû maûndû marîa monekanaga marî na vata methorî ma andû matirî vata methorî ma Ngai.

Luka 7:13

Vîndî îrîa Mwathani oonire mûndûmûka ûcio, nîwamwîguîrîre ntha na akîmwîra atîrî, “Tiga kûrîra.”

Luka 7:19

na akîmatûma mathiî kûrî Mwathani makamûûrie atîrî, “We nîwe ûrîa Johana aaugire nîûgûka kana nîkwa tûgweterera wîngî?”

Johana 12:6

Nwatî Judasi ndaauga ûguo nîûndû atî wa kûrîrîra athîni, nwatî aaugire ûguo nîûndû aarî mwîi. Ke nîke wakuuaga kathandûkû ka mbeca na nîwaîaga mbeca kuuma kathandûkûrî kau.

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

Agal 1:14

Naarî na kîîo mûno gûkîra Ayahudi a riika rîakwa ûvororî wîgiî kûrûmîrîra ndini ya Ayahudi, na nînerutanagîria mûno kûrûmîrîra mîtugo ya kîndûîre ya methe metû ma tene.

2Tim 3:5

Ciîko ciao nîta cia andû mecî Ngai, nwatî nîmaatigire kûmwîtîkia. Îîthemage andû ta acio.

Tito 1:15

Indo cionthe nî ntheru kûrî andû arîa atheru. Nwatî kûrî andû arîa aganu na matetîkîtie gûtirî kîndû kîtheru nîûndû meciria mao na thamiri ciao nî ino nthûkangie.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!