Luka 11:34 - ÎVUKU RÎA ÛVORO MWARO

³⁴ Metho maku nîmo taa ya mwîrî waku. Vîndî îrîa metho maku marona waro, wana nginya mwîrî waku wîthagîrwa ûrî mwîcûre nî ûtheri, nwatî vîndî îrîa metho maku matakwona waro, wana nginya mwîrî waku wîthagîrwa ûrî mwîcûre nî nduma.

Luka 11:34 ပူးပေါင်းရင်းမြစ်များ

Kîam 19:11

Nîmaacokire magîtûma arûme onthe arîa maarî nja, mûnene na mûnini matuîke ndumumu nîguo matikavote kwona mûrango.

Thaburi 119:18

Vingûra metho makwa nîguo mone maûndû ma magegania marîa marî wathorî waku.

Thaburi 81:12

Kwoguo nînaamarekirie mathiî na mbere na ûremi wao, na ngîreka meke wa ûrîa meendaga.

Nthi 21:4

Mwîtîîo, na mwîgatho nîcio itongoragia andû arîa aganu, na ûcio nî wîvia.

Nthi 28:22

Mûndû mûkoroku endaga gûtonga na îvenya, na ndamenyaga atî akaarîkîrîria na ûthîni.

Isaia 29:10

Nîûndû Ngai-Mûnene nîatûmîte mûnyitwe nî toro na mûmame toro ndito; nîavingîte metho menyu mue arathi, na nîakunîkîte ciongo cienyu, mue oni a maûndû.

Isaia 42:19

Nû mûtumumu tiga ndungata yakwa, kana gîtaigua ta mûnjaama ûrîa ndûmaga? Nû mûtumumu ta mûndû ûrîa nîyamûrîrîte, kana ta mûtumumu ndungata ya Ngai-Mûnene?

Isaia 44:18

Andû acio matiîcî ûndû, wana kana mecirie. Nîavinge metho mao, nîguo matikavote kwona, na makavingwa meciria mao, nîguo matikavote gûtaûkîrwa.

Isaia 5:20

Andû arîa metaga maûndû macûku maro kaî marî na thîna-î, namo maûndû maro makameta macûku. Arîa maugaga nduma nî ûtheri, naguo ûtheri nî nduma. Arîa maugaga kîndû kîrîa kîrûrû kîrî mûrîo, nakîo kîrîa kîrî mûrîo nî kîrûrû.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Jeremia 5:21

Thikîrîriani mue irimû na andû aritu, mûrî na metho, nwatî mûtionaga, mûrî na matû, nwatî mûtiîgucaga.

Maariko 4:12

‘Kûroria maroragie, na matione; kwîgua megucage, na matitaûkîrwe. Nîûndû mangîtaûkîrwa, nwa macokerere Ngai, nake akamovera mevia mao.’ ”

Maariko 7:22

ûtharia, ûkoroku na mawaganu ma mîthemba wa yonthe; ta kûveenania, gwîka maûndû ma ûûra nthoni, kwîgua wîru, kûrumana, gwîtîîa na ûrimû.

Maariko 8:18

Anga mûtionaga na mûrî na metho, mûtîgucaga na mûrî na matû?

Luka 11:35

Kwoguo îîmenyerere nîguo ûtheri ûrîa ûrî ndarî yaku ndûgatuîke nduma.

Ciîko 13:11

Rîu Mwathani nîagûkûverithia. We nîûgûtuîka mûtumumu na gwa kavinda we ndûkaavotaga kwona ûtheri wa riûa.” Na vîndî wa îo Elimasi nîwatigire kwona na akîambîrîria kûrûra, akîgeragia gûcaria mûndû wa kûthiî amûtongoreretie amûnyitîte njara.

Ciîko 2:46

Na wa mûthenya wa mûthenya etîkia nîmaatûnganaga vamwe hekarûrî. Nîmaarîcanagîra marî vamwe kwao mîciî makenete na marî na ûtaana.

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

2Akor 11:3

Nînîretigîra atî mwavota kûveenererua wata ûrîa njoka yavenererie Awa na mûtiganîrie ûma na wîrutîri wenyu kûrî Kristû. Na njîra ta îo Awa nîwaveenirue nî njoka na njîra ya wara wayo.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

Aefeso 1:17

Mvoyaga Ngai wa Mwathani wetû Jesû Kristû, ûrîa arî ke Îthe wetû ûrî riiri amûve Roho ûrîa ûgûtûma mûvîge na ûkûmûguûrîria Ngai nîguo mûmûmenye waro.

Aefeso 6:5

Mue ngombo, athîkagîrani athani enyu mûrî na guoya na mûkinainaga. Îkagani ûguo mûrî na ngoro îmwe takwa mûrathîkîra Kristû.

Akol 3:22

Mue ngombo, athîkagîrani athani enyu a gûkû nthî maûndûrî monthe. Tigagani kûmathîkagîra wa rîrîa mamûroretie atî nîguo mamwende, nwatî mathîkagîreni mûrî na ngoro ntheru nîûndû nîmûtîîte Mwathani.