Luka 11:20 - ÎVUKU RÎA ÛVORO MWARO

²⁰ Nwatî ethîrwa Ngai nîke ûmvotithagia kûrutûrûra ngoma, ûguo nî kwonania atî Ûthamaki wa Ngai nîûrîkîtie gûka kûrî mue.

Luka 11:20 ပူးပေါင်းရင်းမြစ်များ

Ntha 8:19

Nao andû acio maaringaga ciama a Misiri nîmeerire mûthamaki atîrî, “Nî Ngai wîkîte ûndû ûyû.” Na wata ûrîa Ngai-Mûnene aaugîte, mûthamaki nîwatuîkire mûmû ngoro na akîrega kûthikîrîria Musa na Aroni.

Danieli 2:44

Îvinda rîu rîa athamaki acio, Ngai ûrîa wî îgûrû nîakaarûngamia ûthamaki ûtakaathira. Ûthamaki ûcio ndûkaavotwa, na nîûgaacûkangia mothamaki mau mengî monthe mathire viû, ûcoke ûtûûre wathanaga tene na tene.

Mathaayo 12:28

Nwatî ethîrwa ndutûrûraga ndaimono mvetwe vinya nî Roho wa Ngai, ûguo nîkwonania atî Ûthamaki wa Ngai nîmûkinyu kûrî mue.

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Luka 10:11

‘Wana nginya rûkûngû rwa îtûûra rîenyu rûrîa rûraûmbîrîrîte magûrûrî metû, nîtwerivariva ruo nîguo rûmûcokerere. Nwatî ririkanani atî, Ûthamaki wa Ngai ûrî vakuvî mûno namue!’

Luka 10:9

Vonagiani arwaru arîa makethagîrwa marî kuo, na mwîrage andû akuo atî, ‘Ûthamaki wa Ngai ûrî vakuvî mûno namue.’

Luka 11:21

“Mûndû ûrî na vinya angîgitîra mûciî wake evotorete viû na indo cia mbaara, indo cionthe ciake ciîthagîrwa irî menyerere.

Ciîko 20:25

“Na rîu nie nîmbîcî atî mue muonthe arîa mvunjîrîtie ûvoro wîgiî Ûthamaki wa Ngai mûtigaacoka kûmona rîngî.

2Ath 1:5

Maûndû mama monthe nîmonanagia atî Ngai atucanagîra ciira na kîvooto. Na nîûndû wa ûguo nîmûgaatuîka agîrîru a gûtonya ûthamakirî wa Ngai ûrîa mûthînagua nîûndû wa guo.