Luka 11:18 - ÎVUKU RÎA ÛVORO MWARO

¹⁸ Kwoguo ethîrwa ûthamaki wa Caitani nîwîgaûkanîtie, ûthamaki ûcio ûngîvota kwîrûngamia atîa? Nie nîrauga ûguo nîûndû mue mugaga atî Belizebuli nîke ûmvotithagia kûrutûrûra ngoma.

Luka 11:18 ပူးပေါင်းရင်းမြစ်များ

Mathaayo 10:25

Kwoguo mûrutwa agîrîrwe nî kwîganîra nîguo atuîke ta mûmûruti, na ngombo nayo îtuîke ta mûmîathi. Ethîrwa andû metaga mwene mûciî Belizebuli, andû a mûciî wake magetagwa marîîtwa macûku makîria!

Mathaayo 12:26

Kwoguo, ethîrwa Caitani nîarutûrûraga Caitani, ke nîmûgaûkanu na ûthamaki wake ndûngîvota kûrûngama.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Luka 11:15

Nwatî andû amwe gatagatîrî kao nîmaambîrîrie kuga atîrî, “Nî Belizebuli mûnene wa ngoma ûmûvecaga ûvoti wa kûrutûrûra ngoma.”