Luka 11:13 - ÎVUKU RÎA ÛVORO MWARO

¹³ Ethîrwa mue wana mûrî acûku nîmûmenyaga kûva ciana cienyu indo mbaro, nî maita megana îthe wenyu ûrîa ûrî îgûrû angîvecana Roho Mûtheru kûrî andû arîa mamwîtagia!”

Luka 11:13 ပူးပေါင်းရင်းမြစ်များ

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Nthi 1:23

Tathikîrîriani ngîmûkaania. Nîngaamûmenyithia meciria makwa, na nîngaamwîcûria ûûgî wakwa.

Isaia 49:15

Mûndûmûka nwa ariganîrwe nî kaana gake karîa arongithia, na arega kwîgua ntha nî mwana ûrîa aciarîte? Wana ethîrwa mûciari wa mûndûmûka nwa ariganîrwe nî mwana wake, nie ndikaariganîrwa nîwe.

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Mathaayo 5:45

nîguo mwonanagie atî mwî ciana cia Îthe wenyu ûrîa ûrî îgûrû. Nîûndû ke nîke ûtûmaga riûa rîake rîarîre andû arîa aro na arîa acûku, na akauria mbura kûrî andû arîa mekaga waro, na arîa mekaga naaî.

Mathaayo 6:14

“Ethîrwa mue nîmwovagîra andû arîa mamûvîtagîria, Îthe wenyu ûrîa ûrî îgûrû wa nake akaamwovagîra.

Mathaayo 6:30

Ngai nîke ûmenyagîrîra nyaki ya kîthaka; îrîa îrî vo ûmûnthî na rûciû îgaikua riiko îkavîa. Nîkwa mûtarî na ûma atî Ngai nîakûmûva nguo? Na kaî mue mûrî na wîtîkio mûnini-î!

Mathaayo 6:32

(Maûndû mama monthe nîmo andû arîa matetîkîtie Ngai macaragia.) Îthe wenyu ûrîa wî îgûrû nîwîcî atî nîmûvatarîte maûndû mama monthe.

Mathaayo 7:11

Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

Luka 11:12

Wana kana amwîtie îtumbî nake akamûva kang'aurû?

Luka 11:2

Nake Jesû nîwamerire atîrî, “Vîndî îrîa mûkûvoya, ugagani atîrî, ‘Vava: Rîîtwa rîaku rîtheru rîrotîîwa; ûthamaki waku nî ûûke.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Johana 4:10

Jesû nîwamûcokerie atîrî, “Kethîrwa nwa ûmenye kîrîa Ngai avecanaga, na nî ûrîkû ûrakûvoya manjî ma kûnyua, we nîûngîamûvoya na nîangîakûva manjî ma mwoyo.”

Ciîko 2:38

Nake Petero nîwamerire atîrî, “Mûndû wa wonthe gatagatîrî kenyu nwanginya erire mevia make na avatithue na rîîtwa rîa Jesû Kristû, nîguo overwe mevia make. Namue nîmûkwamûkîra Roho Mûtheru arî kîveo kuuma kûrî Ngai.

Aroma 5:17

Ethîrwa mevia ma mûndû ûmwe nîmaatûmire gîkuû kîthamaka nîûndû wa mûndû ûcio, andû arîa makinyagîrwa nî wega ûcio na makamûkîra kîveo Kîam ûthingu, nîmakaathana na matûûre mwoyo na njîra ya Jesû Kristû.

Aroma 7:18

Nie nîmbicî atî ndaarî yakwa, ûguo nî kuga mwîrîrî wakwa ndirî na ûvoti wa gwîka waro. Nîûndû wana ethîrwa nîmendaga gwîka waro ndivotaga gûwîka.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

Tito 3:3

Nîûndû vîndî îmwe tue ene twarî ariitu, aremi, na nîtwekaga naaî. Tue twarî ngombo cia merirîria marîa macûku, na mîago ya mîthemba yonthe. Twatûûraga tûrî aganu na tûkîgucanagîra wîru. Andû nîmaatûmenete na wanatue nîtwamamenete.