Luka 10:37 - ÎVUKU RÎA ÛVORO MWARO

³⁷ Nake mwarimû ûcio wa watho nîwacokirie atîrî, “Nî mûndû ûrîa wamwîguîrîre ntha.” Nake Jesû nîwamwîrire atîrî, “Wanawe thiî na wîke wata ûguo.”

Luka 10:37 ပူးပေါင်းရင်းမြစ်များ

Nthi 14:21

Mûndû ûrîa ûnyararaga mûndû ûrîa mariganîtie nake nî mwîvia, nwatî mûndû ûrîa wîgucagîra mûthîni ntha nîarathimagwa.

Hosea 6:6

Nîûndû mendete wendo ûtathiraga na tî îgongoona, kûmenya Ngai na tî matega ma kûvîvua.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Mathaayo 23:23

“Na kaî mue arimû a Watho na Afarisai mûrî na thîna-î! Mue mvinga ino! Mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia, na nderamûkîa, nwatî mûtirûmagîrîra maûndû marîa ma vata megiî watho ta, kîvooto, kwîgucanîra ntha na kwîvokeka. Maûndû mama nîmwagîrîrwe nî kûmeka mûtagûtiganîria mau mengî.

Luka 10:36

Jesû akîrîkîrîria nîwaûririe mwarimû ûcio wa watho atîrî, “Kûringana na meciria maku, nî mûndû ûrîkû gatagatîrî ka andû acio athatû wekire ta mûndû watûûranîrîte na mûndû ûcio warivîtwe nî acunani?”

Luka 10:38

Vîndî îmwe Jesû na arutwa ake maathiîte na mbere na rûgendo, Jesû nîwatonyire gîcagirî kîmwe na mûndûmûka ûmwe wetagwa Maritha akîmûgwata ûgeni gwake mûciî.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Aefeso 5:2

Tûûragani na mîkarîre ya wendani wata ûrîa Kristû aatwendire na akîîruta nîûndû wetû ekariî ta îtega na îgongoona rînungaga waro na rîkenagia Ngai.

1Pet 2:21

Ûndû ûcio nîguo mwetîrwe. Kristû aathînirue nîûndû wenyu na akîmûtigîra kîonereria, nîguo wa namue mûrûmîrîre mîthiîre yake.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake