Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luka 10:31 - ÎVUKU RÎA ÛVORO MWARO

31 Na kavinda wa kau, mûthînjîri-Ngai ûmwe nîwanyûrûrûkîte varavararî wa îo. Nwatî rîrîa ke oonire mûndû ûcio nîwamwererekere na akîvîtûkîra mûkîra ûcio wîngî wa varavara.

အခန်းကိုကြည့်ပါ။ ကော်ပီ




Luka 10:31
18 ပူးပေါင်းရင်းမြစ်များ  

Mwanake ûcio nîwacokerie Daudi atîrî, “Nie naarî vau kîrîmarî gîa Giliboa na nînoonire Saûlo anyitîte îtumû rîake. Nacio ikaari cia mbarathi na athigari arîa mathiîcaga matûîte mbarathi cia nthû, ciathiîte imûrûmîrîrîte na îvenya.


Ndoragia mwena wakwa wa ûrîo mone, nwatî gûtirî mûndû ûtindanagîra nanie, ndirî na vandû va kûûrîra. Gûtirî mûndû ûrûmbûyanagia nanie.


Icambio nîimbûragîte ngoro, na nînthirîte vinya. Njarîtie wa kûmbîguîra ntha, nwatî nîmûturu; njarîtie mûndû ûngînyûmîrîria, nwatî ndimûmwonu.


Mûndû ûrîa ûtathikagîrîria mûthîni rîrîa akûmûkaîra, wa nake ndakoona wa kûmûthikîrîria agîkaya.


Nînacokire ngîmenya ûndû wîngî atî gûkû nthî andû arîa marî îvenya mativootanaga îvenyarî vîndî cionthe, na arîa marî vinya mativootanaga mbaararî vîndî cionthe. Andû arîa aûgî matinyitaga kîrîa mendaga vîndî cionthe, andû arîa aûgî matitongaga, nao andû arîa marî ûmenyo matinenevagua maûndûrî. Maûndû macûku maûkaga kûrî andû onthe.


Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.


arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”


Ta thikîrîriani ûvoro ûyû, mue athînjîri-Ngai! Tegani matû mue andû a Isiraeli! Ta thikîrîriani, mue nyomba ya mûthamaki! Mue mwagîrîrwe nî kûrûmîrîra kîvooto, îthenya rîa ûguo mwîthîrîtwe mûrî mûtego kûu Mizipa, ta neti ya kûmûnyita yarîtwe kîrîmarî Kîam Taboru.


Ta ûrîa acunani methithagîra mûndû njîrarî, nwata guo athînjîri-Ngai mekaraga ikundi makavîrîte andû. Maûragagîra andû njîrarî ûthiîte Shekemu, nama, nîmekaga maûndû macûku mûno.


Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;


Nake Jesû nîwamûcokerie atîrî, “Vîndî îmwe kwarî na mûndû wanyûrûrûkîte aumîte Jerusalemu athiîte Jeriko. Vîndî îrîa aarî varavararî athiîte, nîwaumîrîrwe nî acunani arîa maamûcunire nguo ciake cionthe, makîmûriva na makîmûtiganîria arî vakuvî gûkua.


Na njîra wata îo, Mûlawi ûmwe nîwakinyire varîa mûndû ûcio aarî na amwona akîvîtûkîra mûkîra ûcio wîngî wa varavara îo.


Kwoguo Ruthu nîwathiîre mûgûndarî na akiuma akethi vuva akîûnganagia cairi îrîa yatigagwa. Ruthu atanarî kûmenya, nîwathiîre mûgûndarî wa Boazu ûrîa warî wa mbarî ya Elimeleku.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ