Luka 10:3 - ÎVUKU RÎA ÛVORO MWARO

³ Thiîni kûrîa namûtûma. Nie namûtûma ta ng'ondu irî gatagatî ga ciathi.

Luka 10:3 ပူးပေါင်းရင်းမြစ်များ

Thaburi 22:21

Mvonokia kuuma tûnyuarî twa mînyambû, ndingîvota gwîtethia mbere ya mbogo ino.

Zefania 3:3

Anene akuo mekariî ta mînyambû îkîrarama; atucanîri ciira a kuo mekariî ta ciathi mvûtu, irîa itangîtiga kûthûa îvîndî nginya kîraûko.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Mathaayo 10:22

Andû onthe nîmakaamûmena nîûndû wakwa. Nwatî mûndû wa wonthe ûkaaûmîrîria nginya mûthiia, nîakaavonokua.

Mathaayo 7:15

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku.

Luka 10:4

Mûtigakuue iveeti, mîvuko wana kana iratû; na mûtigakethie mûndû wana ûmwe njîrarî.

Johana 10:12

Mûndû ûrîa ûrîvagwa nîguo amenyerere ng'ondu nî ngûrani na mûrîthi mwene cio. Mûndû wa kûrîvwa angîona Kîamthi gîûkîte nîavinyûraga aûrîte na agatiganîria ng'ondu irî cionga. Nakîo Kîamthi nîkînyitaga ng'ondu îmwe na icio ciîngî ikanyagania.

Johana 15:20

Taririkanani ûrîa namwîrire atî: ‘Gûtirî ngombo nene gûkîra mûmîathi.’ Angîthîrwa andû nîmaanyaririre, wa namue nîmakaamûnyarira. Ethîrwa nîmaathîkîre ciugo ciakwa, wana nginya cienyu nîmagaaciathîkîra.

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Ciîko 20:29

Nie nîmbîcî atî narîkia kûthiî, andû amwe mekariî ta ciathi mbaganu nîmagaaûka na matigaacaîra ndîthia.

Ciîko 9:16

Na nie mwene nîngûmwonia ûrîa ke akathînua nîûndû wakwa.”

Ciîko 9:2

na agîtia maarûa cia kûmûmenyithania mavoerorî marîa maarî îtûûrarî rîa Damesiki, nîguo angîona arûmîrîri a njîra ya Mwathani, arûme kana aka, amanyite na amacokie Jerusalemu.