Luka 10:15 - ÎVUKU RÎA ÛVORO MWARO

¹⁵ Namue andû a îtûûra rîa Kaperinaumu, nîkwa mwendaga kwînenevia nginya mûkinye îgûrû? Mue nîmûgaaikua îcuarî!”

Luka 10:15 ပူးပေါင်းရင်းမြစ်များ

Kîam 11:4

Nîmaacokire makîrana atîrî, “Tigani tûtume îtûûra rîrî na nyomba ndaca îrîa gacûmbîrî ka yo gakaavutia matu nîguo tûgîe îgweta, na tûtikanyagarûke nthî yonthe.”

Isaia 5:14

Kwoguo kwa arîa akuû nîkûmetererete na vinya, kwathamîtie kanyua ga kuo nginya mûthiia. Atongoria na andû arîa engî a Jerusalemu matonyaga kuo marî ikundi, wa vamwe na andû eengî arîa magûkenagîrîra.

Jeremia 51:53

Wana ethîrwa Babuloni nîîkunûkia na îgûrû, na îtume nyomba cia kwîgitîra ndaca na îgûrû; nîngaatûma andû a kûrîcûkangia. Nie Ngai-Mûnene nînie nauga ûguo.”

Ezek 26:20

Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.

Ezek 31:18

“Kûrî mûtî wîngî mûgûndarî wa Edeni ûngîringithanua na mûtî ûcio nîûndû wa riiri na ûnene waguo? Mûtî ûcio ûgaaikua vamwe na mîtî ya mûgûnda wa Edeni kwa arîa akuû. Ûgeekarania kûu na andû arîa mataicî Ngai, na arîa maaûragirwe vîndî ya mbaara. Mûtî ûcio nîwe mûthamaki wa Misiri vamwe na andû ake. Ûguo nîguo Ngai-Mûnene Ngai augîte.”

Ezek 32:18

“Mûndû, cakaîra mwîngî wa Misiri, ûmaikie nthî, Misiri yo mene na erîtu a mavûrûri marîa marî îgweta. Maikie vûrûri wa arîa akuû mathiî vamwe na arîa manyûrûrûkaga kwa arîa akuû.

Ezek 32:20

“Andû a Misiri nîmakaathirua vamwe na andû arîa makaûragîrwa mbaararî. Onthe makaûragîrwa mbaararî.

Ezek 32:27

Matikaathikwa vamwe na athigari njamba arîa maaûragirwe tene, arîa maanyûrûrûkire kwa arîa akuû marî na indo ciao cia mbaara. Mviû ciao cia njûra ciaigirwe rungu rwa ciongo ciao, nacio ngo ciao nîciaigîrîrwe îgûrû rîa mîîrî yao. Andû acio njamba maarî na vinya na nîmaamakagia andû arîa marî mwoyo.

Obadia 1:4

Wana ethîrwa ûmbûkaga na îgûrû ta nderi, ûgatuma kîomba gîaku kûrîa njata irî, nîngaakûruta kuo ngûgwîthie nthî, ûguo nîguo nie Ngai-Mûnene nîrauga.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Mathaayo 4:13

Jesû nîwaumire îtûûrarî rîa Nazarethi, na akîthiî gûtûûra Kaperinaumu itûûra rîrîa rîarî vakuvî na îria rîa Galili vûrûrirî wa Zebuluni na Nafutali.

Luka 13:28

Mue nîmûkoona Iburahimu, Isaka, Jakovu na arathi onthe marî Ûthamakirî wa Ngai, namue mwikîtue na nja. Na kaî vîndî îo mûkoona ûguo nîmûkaarîra na mûrîe magego-î!

Luka 16:23

Rîrîa Kîamthînîkaga kîrî îcuarî, nîkîaroririe na îgûrû na gîkîona Iburahimu na Lazaro marî varaca na mekaranîrîte.

Gûco 1:28

Tûngîthiî kûu nîkî? Tue nî tûretigîra. Andû arîa twatûmire makathigane, maatwîrire atî vûrûri ûcio ûrî na andû araca na marî na vinya gûtûkîra, na andû acio matûûraga matûûrarî manene marî mairigîre na nthingo ikinyîte îgûrû matuurî, na nîmoonire avîcî a Anaki kuo arîa megana ta marimû!’

2Pet 2:4

Ngai ndeeguîra araika arîa meevirie ntha, nwatî nîwamaikirie îcuarî kûrîa maigîtwe ndumarî movetwe na mînyororo metererete mûthenya wa îtuîro.