Luka 1:68 - ÎVUKU RÎA ÛVORO MWARO

⁶⁸ “Mwathani Ngai wa Isiraeli arokumua! Nîûndû nîacerere andû ake, na akamakûûra kuuma ûkomborî.

Luka 1:68 ပူးပေါင်းရင်းမြစ်များ

Kîam 14:20

Ngai ûrîa ûrî Îgûrû Mûno ûrîa ûmûvotithîtie kûvoota nthû cienyu arogoocwa.” Nake Aburamu nîwavere Melikizedeki gîcunjî gîa îkûmi Kîam indo cionthe irîa aacokithîtie.

Kîam 24:27

na akiuga atîrî, “Ngai-Mûnene, Ngai wa Mwathi wakwa Iburahimu arokumua. Ke arî wendo ûtathiraga na nî mwîvokeku ûvororî wîgiî kîîranîro gîake na mwathi wakwa. Ngai-Mûnene nîandongoretie nginya ngakinya kwa andû a mwathi wakwa.”

Kîam 9:26

Ngai-Mûnene, Ngai wa Shemu arokumua, Kanaani arotuîka ngombo ya Shemu.

1Atha 1:48

na akîvoya akiuga atîrî, ‘Ngai-Mûnene, Ngai wa Isiraeli arokumua, ûrîa ûtûmîte mûndû wa njiarwa ciakwa atuîke mûthamaki vuva wakwa ûmûnthî, ngîîyonagîra na metho makwa!’ ”

1Atha 8:15

Nîwaugire atîrî, “Ngai-Mûnene, Ngai wa Isiraeli arogoocwa. Nîûndû na vinya wake nîavingîtie kîîranîro kîrîa eerîre vava Daudi rîrîa aaugire atî,

1Maû 29:10

Daudi nîwakumirie Ngai-Mûnene arî mbere ya andû onthe arîa maagomanîte akiuga atîrî, “Ûrokumua we Ngai-Mûnene, Ngai wa Isiraeli îthe wetû!

1Maû 29:20

Daudi nîwacokire akîra andû arîa onthe maagomanîte atîrî, “Kumiani Ngai-Mûnene, Ngai wenyu!” Nao andû onthe arîa maagomanîte nîmaakumirie Ngai-Mûnene, Ngai wa methe mao ma tene. Nîmeenamîrîrie ciongo ciao, makîgooca Ngai-Mûnene na makîva mûthamaki gîtîîo.

Thaburi 106:48

Ngai-Mûnene, Ngai wa Isiraeli arokumua; arokumua tene na tene! Andû onthe nîmauge, “Ameni!”

Thaburi 111:9

Ngai-Mûnene nîwakûûrire andû ake, na akîrûtha nao kîrîkanîro gîa gûtûûra tene na tene. Ke nî mûtheru na nîwa gwîtigîrwa!

Thaburi 130:8

Ke mwene nîke ûgaakûûra andû a Isiraeli, kuuma meviarî mao monthe.

Thaburi 41:13

Ngai-Mûnene, Ngai wa Isiraeli arokumua! Arokumua tene na tene! Ameni! Ameni!

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Luka 1:71

atî nîagaatûvonokia kuuma kûrî nthû cietû, na nginya kuuma njararî cia andû onthe arîa matûmenete.

Luka 19:44

Nîikaamûcûkangia wa vamwe na ciana cienyu na gûtirî îthiga wana rîmwe magaatiga rîrî îgûrû rîa rîngî, nîûndû mûtiamenya kavinda karîa Nga aaûkîte kûmûvonokia!”

Luka 2:38

Na îthaarî wa rîu, Ana nîwakinyire na agîcokeria Ngai ngatho. Ana nîwaririe ûvoro wîgiî mwana ûcio kûrî andû arîa maatûûrîte metererete Ngai akûre Jerusalemu.

Luka 24:21

Natue tûrevokete atî ke nîke ûkûvonokia andû a Isiraeli. Na makîria ya ûguo, ûyû rîu nîguo mûthenya wa kathatû kuuma maûndû mau mekîka.

Luka 7:16

Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Aefeso 1:3

Tigani tûkumie Ngai Îthe wa Mwathani wetû Jesû Kristû! Tûrî kîndû kîmwe na Kristû, Ngai nîatûrathimaga na irathimo cionthe cia kîîroho irîa irî îgûrû.

Aefeso 1:7

Nîtûrutîtwe meviarî na njîra ya nthakame ya Kristû, ûguo nîkuga nîtwoveretwe mevia metû nîûndû wa wega wake mwîngî

Ahib 9:12

Rîrîa Kristû aavîtûkîre îgemarî nîwatonyire vandû varîa vatheru Mûno rita rîmwe rîa kwîgana. Ndaakuua nthakame ya mbûri na ndegwa nîguo akarute îgongoona. Vandû va ûguo, ke aavecanire mwoyo wake na agîtûma tûgîe na ûvonokio wa tene na tene.

1Pet 1:3

Tigani tûcokie ngatho kûrî Ngai na Îthe wa Mwathani wetû Jesû Kristû! Nîûndû wa ntha ciake nyîngî, nîwatûvere mwoyo mûcerû na njîra ya kûriûkia Jesû Kristû. Ûndû ûyû nîguo ûtûmaga twîcûrwe nî kîîrîgîrîro Kîam ma,

1Sam 25:32

Nake Daudi nîwerire Abigaeli atîrî, “Ngai-Mûnene, Ngai wa Isiraeli arogoocwa, wa ke ûgûtûmire kûrî nie ûmûnthî!