Luka 1:66 - ÎVUKU RÎA ÛVORO MWARO

⁶⁶ Andû onthe arîa meegwire ûvoro ûcio nîmawîciragia na makîûria atîrî, “Angwa nîkwa mwana ûyû agaatuîka û?” Nîûndû nî kwonekanaga waro atî vinya wa Mwathani warî vamwe nake.

Luka 1:66 ပူးပေါင်းရင်းမြစ်များ

Kîam 37:11

Aa mûrwang'ina na Josefu nîmaamwîguîrîre wîru, nwatî îthe nîwaigire maûndû mau ngororî yake.

Kîam 39:2

Ngai-Mûnene aarî vamwe na Josefu, na nîwatûmire ûtûûro wake wagîre. Josefu eekaraga nyomba kwa mwathi wake Mûmisiri.

1Atha 18:46

Vinya wa Ngai-Mûnene nîwatoonyire kûrî Elija; nîwacinîkîre nguo yake ndaca kîûnûrî na akîvinyûra mbere ya Ahabu nginya kîvingorî Kîam Jezireeli.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Thaburi 80:17

Menyerera na ûgitîre andû arîa ûthuurîte, rûrîrî rûrîa watûmire rûgîa vinya.

Thaburi 89:21

Vinya wakwa ûkethagîrwa nake vîndî cionthe, ûvoti wakwa ûkaamwîkagîra vinya.

Luka 1:80

Nake mwana ûcio nîwakûrire na roho wake ûkîgîa na vinya. Eekarire werûrî nginya mûthenya ûrîa eyonanithirie kûrî andû a Isiraeli.

Luka 2:19

Nake Mariamu nîwekarire akîririkanaga maûndû mama monthe na ageciragia mûno ûvoro wamo.

Luka 2:40

Nake mwana ûcio nîwakûrire na akîgîa na vinya; na nîwecûrîtwe nî ûûgî na wega wa Ngai warî îgûrû rîake.

Luka 2:51

Jesû nîwacokire Nazarethi arî vamwe na aciari ake, na nîwekaranagia nao akîmaathîkagîra. Nake ng'ina nîwaigaga maûndû mau monthe ngororî yake.

Luka 9:44

“Mûtikariganîrwe nî ûvoro ûyû ngeerie kûmwîra! Mûrû wa Mûndû nîakûnenganîrwa nîguo anyitwe nî andû.”

Ciîko 11:21

Nao etîkia acio maarî na vinya wa Mwathani na andû gîkundi kînene magîtîkia na makîrûmîrîra Mwathani.

Akol 1:5

Rîrîa ndûmîrîri îrîa ya ma, nîyo ûvoro mwaro yamûkinyîre rita rîa mbere, nîmwegwire ûvoro wîgiî mwîrîgîrîro ûrîa îvecanaga. Kwoguo kîrîa mwîrîgagîrîra nîkîo gîtûmaga mwîtîkie Jesû Kristû na mûgîe na wendani. Nakîo kîrîa mûrî na mwîrîgîrîro wakîo mûrî aigîre kîo waro îgûrû.

1Sam 16:18

Ûmwe wa ndungata ciake nîwaugire atîrî, “Jesii ûrîa wa îtûûra rîa Bethilehemu arî na mûvîcî wicî kûthaka waro. Ke nî mûndû mûmîrîru na mûthaka, na nî mûthigari mwaro na nî mwaria waro, na Ngai-Mûnene arî vamwe nake.”

1Sam 2:18

Samueli nîwathiîre na mbere gûtungatîra Ngai-Mûnene ekîrîte nguo îrîa yarathimîrîtûe wîra ûcio.