Luka 1:48 - ÎVUKU RÎA ÛVORO MWARO

⁴⁸ nîûndû nî andirikanîte nie mwînyivia ndungata yake! Kuuma rîu andû onthe makaambîtaga mûrathime,

Luka 1:48 ပူးပေါင်းရင်းမြစ်များ

Kîam 30:13

Nake Lea nîwaugire atîrî, “Kaî nîrî na gîkeno-î! Rîu aka makambîtaga gûkena.” Kwoguo nîwatuîrîre kaana kau rîîtwa Ashari.

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

Thaburi 102:17

Nîakeegua mavoya ma athîni, na ndakaarega mavoya mao.

Thaburi 136:23

Nîke watûririkanire rîrîa twarî avoote; nîûndû wendo wake ûtathiraga ûtûûraga tene na tene;

Thaburi 138:6

Wana ethîrwa we Ngai-Mûnene ûrî îgûrû mûno, nîûmenyagîrîra andû arîa menyivagia. Nwatî arîa etîi nîûmamenyaga ûrî wa kûraca.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Malaki 3:12

Nao andû a mavûrûri monthe makaugaga mûrî arathime, nîûndû vûrûri wenyu wonthe ûkethagîrwa wîcûrîtwe nî gîkeno. Ûguo nîguo nie Ngai-Mûnene, mwene vinya wonthe nîrauga.”

Luka 1:28

Mûraika ûcio nîwathiîre kûrî Mariamu na akîmûkethia atîrî, “Wî mwaro? We wî mûrathime mûno! Mwathani arî vamwe nawe!”

Luka 1:42

na akiugîrîria na mûgambo mûnene akiugaga atîrî, “We ûrî mûrathime gatagatîrî ga aka onthe, wana mwana ûrîa ûgaaciara nî mûrathime!

Luka 1:45

Kûrathimwa nîwe nîûndû nîwetîkirie atî ndûmîrîri ya Mwathani kûrî we nî îkûvinga.”

Luka 1:49

nîûndû wa maûndû manene marîa Ngai mwene vinya ambîkîrîte. Rîîtwa rîake nî rîtheru;

Luka 11:27

Rîrîa Jesû aarîkirie kuga ûguo, mûndûmûka ûmwe warî kîrîndîrî nîwaugîrîrie atîrî, “Kûrathimwa nî mûndûmûka ûrîa wagûciarire na agîkûrera!”

1Sam 1:11

Nake Hana nîwevîtire na mwîvîtwa na akiuga atîrî: “Ngai-Mûnene mwene vinya wonthe, ndoria nie, ndungata yaku! Roria thîna yakwa na ûndirikane! Ndûkariganîrwe nî nie! Ethîrwa ûkamva kavîcî, nie nînîvîta atî nîngaakûva ko mîthenya yonthe ya ûtûûro wako na atî gûtirî vîndî njuîrî cia kîongo gîake ikeenjwa.”

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.