Luka 1:35 - ÎVUKU RÎA ÛVORO MWARO

³⁵ Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 1:35 ပူးပေါင်းရင်းမြစ်များ

Ayubu 14:4

Nû ûngîvota kûruta kîndû kîtheru kuuma kûrî kîndû gîtarî kîtheru! Gûtirî mûndû ûngîvota?

Ayubu 15:16

ndangîvota kwîvoka mûndû wa gûkû nthî, mûndû ûrîa ûnyunyaga waganu ta manjî.

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Thaburi 2:7

Mûthamaki arauga atîrî, “Nie ngaanîrîra ûrîa Ngai-Mûnene augîte. Ngai-Mûnene aambîrire atî, ‘Ûmûnthî nîwatuîka mûvîcîwa, nanie nînatuîka aguo.

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Mathaayo 1:18

Rûrû nîruo rûgano rwa ûrîa Jesû Kristû aaciarirwe. Mariamu ng'ina wa Jesû nîmaarîkanîrîte na Josefu atî nîmakûvikania. Nwatî mbere ya kûvikania, Mariamu nîwamenyire atî aarî na îvu riumanîte na vinya wa Roho Mûtheru.

Mathaayo 1:20

Na rîrîa Josefu eeciragia îgûrû rîa maûndû mau, mûraika wa Mwathani nîwamumîrîre kîrotorî na akîmwîra atîrî, “Josefu, we ûrîa wî wa mbarî ya Mûthamaki Daudi, ndûgetigîre kûvikia Mariamu, nîûndû îvu rîu arî narîo riumanîte na vinya wa Roho Mûtheru.

Mathaayo 14:33

Nao arutwa arîa maarî gatarûrî nîmaagoocire Jesû makiugaga atîrî, “Nî ma we ûrî Mûriû wa Ngai!”

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Mathaayo 4:3

Nayo Ngoma nîyathiîre kûrî ke na îkîmwîra atîrî, “Ethîrwa nîwe Mûriû wa Ngai, atha mathiga mama matuîke mîgate!”

Maariko 1:1

Gîkî nîkîo Kîammbîrîria Kîam Ûvoro Mwaro wîgiî Jesû Kristû, Mûriû wa Ngai

Maariko 1:24

“Ûrenda atîa natue we Jesû wa Nazarethi? Ûkîte gûtûthiria? Nîngwîcî we wî û. We wî ûrîa Mûtheru wa Ngai!”

Luka 1:27

Aamûtûmire kûrî mwîrîtu nthingi wetagwa Mariamu ûrîa maarîkanîrîte na mûndû wetagwa Josefu atî nîmakûvikania. Josefu aarî wa rûciaro rwa Daudi.

Luka 1:34

Nake Mariamu nîwaûririe mûraika ûcio atîrî, “Ûguo kûngîvotekeka atîa na nie nîrî nthingi?”

Luka 1:36

Na rîu wana Elizabethi mûndûmûka ûrîa wa mbarî yenyu na ûrîa wîrîkanaga atî nî nthata, wa nake arî ûkûrûrî wake nîagîte îvu. Ûyû nîguo mweri wa gatandatû kuuma agîa îvu,

Johana 1:34

Nie nînona maûndû mama magîkîka na nekîra ûira atî mûndû ûyû nî Mûriû wa Ngai.”

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Ciîko 8:36

Na vîndî îrîa maanyûrûrûkîte na njîra îo, nîmaakinyire vandû vaarî na manjî, na mûndû ûcio akîîra Filipu atîrî, “Taroria! Manjî marî ava. Nîndûî kîngîgiria mvatithue?” [

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

Agal 2:20

Kwoguo rîu tî nie ndûûraga mwoyo, nwatî nî Kristû ûtûûraga ndaarî yakwa. Ûtûûro ûrîa ndûûraga rîu, ndûûraga na njîra ya gwîtîkia Mûriû wa Ngai ûrîa wamendire na akîîvecana akue nîûndû wakwa.

Aefeso 2:3

Ûma nî atî wa natue tuonthe twekaga wa tao. Twatûûraga twathagwa nî merirîria metû ma kîîndwîre na tûgekaga maûndû marîa meriragîrua nî mîîrî yetû na meciria metû, na twarî tûkinyîrwe nî marakara ma Ngai wata andû arîa engî.

Ahib 4:15

Mûthînjîri-Ngai mûnene ûcio wetû ndangîrega gûtwîguîra ntha nîûndû tûtirî vinya. Rîrîa atûûraga gûkû nthî nîwageragua na njîra wa cionthe irîa tûgeragua nacio, nwatî ke ndevia.